వేద సూక్తములు

విష్ణు సూక్తం~ vishnu suktam in telugu

Last Updated on April 21, 2021 

విష్ణు సూక్తం : Read vishnu suktam in telugu with lyrics

ఓం విష్ణో॒ర్నుకం॑ వీ॒ర్యా॑ణి॒ ప్రవో॑చం॒ యః పార్థి॑వాని విమ॒మే రాజాగ్ం॑సి॒ యో అస్క॑భాయ॒దుత్త॑రగ్ం స॒ధస్థం॑ విచక్రమా॒ణస్త్రే॒ధోరు॑గా॒యో విష్ణో॑ర॒రాట॑మసి॒ విష్ణోః᳚ పృ॒ష్ఠమ॑సి॒ విష్ణోః॒ శ్నప్త్రే᳚స్థో॒ విష్ణో॒స్స్యూర॑సి॒ విష్ణో᳚ర్ధ్రు॒వమ॑సి వైష్ణ॒వమ॑సి॒ విష్ణ॑వే త్వా ॥

తద॑స్య ప్రి॒యమ॒భిపాథో॑ అశ్యాం । నరో యత్ర॑ దేవ॒యవో॒ మద॑ంతి । ఉ॒రు॒క్ర॒మస్య॒ స హి బంధు॑రి॒త్థా । విష్ణో᳚ ప॒దే ప॑ర॒మే మధ్వ॒ ఉథ్సః॑ । ప్రతద్విష్ణు॑స్స్తవతే వీ॒ర్యా॑య । మృ॒గో న భీ॒మః కు॑చ॒రో గి॑రి॒ష్ఠాః । యస్యో॒రుషు॑ త్రి॒షు వి॒క్రమ॑ణేషు । అధి॑క్ష॒యంతి॒ భువ॑నాని॒ విశ్వా᳚ । ప॒రో మాత్ర॑యా త॒నువా॑ వృధాన । న తే॑ మహి॒త్వమన్వ॑శ్నువంతి ॥

ఉ॒భే తే॑ విద్మా॒ రజ॑సీ పృథి॒వ్యా విష్ణో॑ దేవ॒త్వం । ప॒ర॒మస్య॑ విథ్సే । విచ॑క్రమే పృథి॒వీమే॒ష ఏ॒తాం । క్షేత్రా॑య॒ విష్ణు॒ర్మను॑షే దశ॒స్యన్ । ధ్రు॒వాసో॑ అస్య కీ॒రయో॒ జనా॑సః । ఊ॒రు॒క్షి॒తిగ్ం సు॒జని॑మాచకార । త్రిర్దే॒వః పృ॑థి॒వీమే॒ష ఏ॒తాం । విచ॑క్రమే శ॒తర్చ॑సం మహి॒త్వా । ప్రవిష్ణు॑రస్తు త॒వస॒స్తవీ॑యాన్ । త్వే॒షగ్గ్ హ్య॑స్య॒ స్థవి॑రస్య॒ నామ॑ ॥

అతో॑ దే॒వా అ॑వంతు నో॒ యతో॒ విష్ణు॑ర్విచక్ర॒మే । పృ॒థి॒వ్యాః స॒ప్తధామ॑భిః । ఇ॒దం విష్ణు॒ర్విచ॑క్ర॒మే త్రే॒ధా నిద॑ధే ప॒దం । సమూ॑ఢమస్య పాగ్ం సు॒రే ॥ త్రీణి॑ ప॒దా విచ॑క్రమే॒ విష్ణు॑ర్గో॒పా అదా᳚భ్యః । తతో॒ ధర్మా॑ణి ధా॒రయన్॑ । విష్ణోః॒ కర్మా॑ణి పశ్యత॒ యతో᳚ వ్ర॒తాని॑ పస్పృ॒శే । ఇంద్ర॑స్య॒ యుజ్యః॒ సఖా᳚ ॥

తద్విష్ణోః᳚ పర॒మం ప॒దగ్ం సదా॑ పశ్యంతి సూ॒రయః॑ । ది॒వీవ॒ చక్షు॒రాత॑తం । తద్విప్రా॑సో విప॒న్యవో॑ జాగృ॒వాగ్ం స॒స్సమి॑ంధతే । విష్ణో॒ర్యత్ప॑ర॒మం ప॒దం । పర్యా᳚ప్త్యా॒ అన॑ంతరాయాయ॒ సర్వ॑స్తోమోఽతి రా॒త్ర ఉ॑త్త॒మ మహ॑ర్భవతి సర్వ॒స్యాప్త్యై॒ సర్వ॑స్య॒ జిత్త్యై॒ సర్వ॑మే॒వ తేనా᳚ప్నోతి॒ సర్వం॑ జయతి ॥

ఓం శాంతిః॒ శాంతిః॒ శాంతిః॑ ॥

Similar Posts

Leave a Reply

Your email address will not be published. Required fields are marked *