Krishna

ଶ୍ରୀକୃଷ୍ଣସ୍ତୋତ୍ରଂ~ Sri krishna stotram in odia oriya

Last Updated on April 21, 2021 

Read lord Sri krishna stotram in odia with lyrics ଶ୍ରୀକୃଷ୍ଣସ୍ତୋତ୍ରଂ ଇନ୍ଦ୍ରରଚିତମ୍:

ଶ୍ରୀଗଣେଶାୟ ନମଃ ।
ଇନ୍ଦ୍ର ଉବାଚ ।
ଅକ୍ଷରଂ ପରମଂ ବ୍ରହ୍ମ ଜ୍ୟୋତୀରୂପଂ ସନାତନମ୍ ।
ଗୁଣାତୀତଂ ନିରାକାରଂ ସ୍ୱେଚ୍ଛାମୟମନନ୍ତଜମ୍ ॥ ୧॥

ଭକ୍ତଧ୍ୟାନାୟ ସେବାୟୈ ନାନାରୂପଧରଂ ବରମ୍ ।
ଶୁକ୍ଲରକ୍ତପୀତଶ୍ୟାମଂ ଯୁଗାନୁକ୍ରମଣେନ ଚ ॥ ୨॥

ଶୁକ୍ଲତେଜଃସ୍ୱରୂପଂ ଚ ସତ୍ୟେ ସତ୍ୟସ୍ୱରୂପିଣମ୍ ।
ତ୍ରେତାୟାଂ କୁଙ୍କୁମାକାରଂ ଜ୍ୱଲନ୍ତଂ ବ୍ରହ୍ମତେଜସା ॥ ୩॥

ଦ୍ୱାପରେ ପୀତବର୍ଣଂ ଚ ଶୋଭିତଂ ପୀତବାସସା ।
କୃଷ୍ଣବର୍ଣଂ କଲୌ କୃଷ୍ଣଂ ପରିପୂର୍ଣତମଂ ପ୍ରଭୁମ୍ ॥ ୪॥

ନବଧାରାଧରୋତ୍କୃଷ୍ଟଶ୍ୟାମସୁନ୍ଦରବିଗ୍ରହମ୍ ।
ନନ୍ଦୈକନନ୍ଦନଂ ବନ୍ଦେ ଯଶୋଦାନନ୍ଦନଂ ପ୍ରଭୁମ୍ ॥ ୫॥

ଗୋପିକାଚେତନହରଂ ରାଧାପ୍ରାଣାଧିକଂ ପରମ୍ ।
ବିନୋଦମୁରଲୀଶବ୍ଦଂ କୁର୍ୱନ୍ତଂ କୌତୁକେନ ଚ ॥ ୬॥

ରୂପେଣାପ୍ରତିମେନୈବ ରତ୍ନଭୂଷଣଭୂଷିତମ୍ ।
କନ୍ଦର୍ପକୋଟିସୌନ୍ଦର୍ୟଂ ବିଭ୍ରତଂ ଶାନ୍ତମୀଶ୍ୱରମ୍ ॥ ୭॥

କ୍ରୀଡନ୍ତଂ ରାଧୟା ସାର୍ଧଂ ବୃନ୍ଦାରଣ୍ୟେ ଚ କୁତ୍ରଚିତ୍ ।
କୃତ୍ରଚିନ୍ନିର୍ଜନେଽରଣ୍ୟେ ରାଧାବକ୍ଷଃସ୍ଥଲସ୍ଥିତମ୍ ॥ ୮॥

ଜଲକ୍ରୀଡାଂ ପ୍ରକୁର୍ୱନ୍ତଂ ରାଧୟା ସହ କୁତ୍ରଚିତ୍ ।
ରାଧିକାକବରୀଭାରଂ କୁର୍ୱନ୍ତଂ କୁତ୍ରଚିଦ୍ୱନେ ॥ ୯॥

କୁତ୍ରଚିଦ୍ରାଧିକାପାଦେ ଦତ୍ତବନ୍ତମଲକ୍ତକମ୍ ।
ରାଧାର୍ଚବିତତାମ୍ବୂଲଂ ଗୃହ୍ଣନ୍ତଂ କୁତ୍ରଚିନ୍ମୁଦା ॥ ୧୦॥

ପଶ୍ୟନ୍ତଂ କୁତ୍ରଚିଦ୍ରାଧାଂ ପଶ୍ୟନ୍ତୀଂ ବକ୍ରଚକ୍ଷୁଷା ।
ଦତ୍ତବନ୍ତଂ ଚ ରାଧାୟୈ କୃତ୍ୱା ମାଲାଂ ଚ କୁତ୍ରଚିତ୍ ॥ ୧୧॥

କୁତ୍ରଚିଦ୍ରାଧୟା ସାର୍ଧଂ ଗଚ୍ଛନ୍ତଂ ରାସମଣ୍ଡଲମ୍ ।
ରାଧାଦତ୍ତାଂ ଗଲେ ମାଲାଂ ଧୃତବନ୍ତଂ ଚ କୁତ୍ରଚିତ୍ ॥ ୧୨॥

ସାର୍ଧଂ ଗୋପାଲିକାଭିଶ୍ଚ ବିହରନ୍ତଂ ଚ କୁତ୍ରଚିତ୍ ।
ରାଧାଂ ଗୃହୀତ୍ୱା ଗଚ୍ଛନ୍ତଂ ତାଂ ବିହାୟ ଚ କୁତ୍ରଚିତ୍ ॥ ୧୩॥

ବିପ୍ରପତ୍ନୀଦତ୍ତମନ୍ନଂ ଭୁକ୍ତବନ୍ତଂ ଚ କୁତ୍ରଚିତ୍ ।
ଭୁକ୍ତବନ୍ତଂ ତାଲଫଲଂ ବାଲକୈଃ ସହ କୁତ୍ରଚିତ୍ ॥ ୧୪॥

ବସ୍ତ୍ରଂ ଗୋପାଲିକାନାଂ ଚ ହରନ୍ତଂ କୁତ୍ରଚିନ୍ମୁଦା ।
ଗବାଂ ଗଣଂ ବ୍ୟାହରନ୍ତଂ କୁତ୍ରଚିଦ୍ବାଲକୈଃ ସହ ॥ ୧୫॥

କାଲୀୟମୂର୍ଧ୍ନି ପାଦାବ୍ଜଂ ଦତ୍ତବନ୍ତଂ ଚ କୁତ୍ରଚିତ୍ ।
ବିନୋଦମୁରଲୀଶବ୍ଦଂ କୁର୍ୱନ୍ତଂ କୁତ୍ରଚିନ୍ମୁଦା ॥ ୧୬॥

ଗାୟନ୍ତଂ ରମ୍ୟସଙ୍ଗୀତଂ କୁତ୍ରଚିଦ୍ବାଲକୈଃ ସହ ।
ସ୍ତୁତ୍ୱା ଶକ୍ରଃ ସ୍ତବେନ୍ଦ୍ରେଣ ପ୍ରଣନାମ ହରିଂ ଭିୟା ॥ ୧୭॥

ପୁରା ଦତ୍ତେନ ଗୁରୁଣା ରଣେ ବୃତ୍ରାସୁରେଣ ଚ ।
କୃଷ୍ଣେନ ଦତ୍ତଂ କୃପୟା ବ୍ରହ୍ମଣେ ଚ ତପସ୍ୟତେ ॥ ୧୮॥

ଏକାଦଶାକ୍ଷରୋ ମନ୍ତ୍ରଃ କବଚଂ ସର୍ୱଲକ୍ଷଣମ୍ ।
ଦତ୍ତମେତତ୍କୁମାରାୟ ପୁଷ୍କରେ ବ୍ରହ୍ମଣା ପୁରା ॥ ୧୯॥

ତେନ ଚାଙ୍ଗିରସେ ଦତ୍ତଂ ଗୁରବେଽଙ୍ଗିରସା ମୁନେ ।
ଇଦମିନ୍ଦ୍ରକୃତଂ ସ୍ତୋତ୍ରଂ ନିତ୍ୟଂ ଭକ୍ତ୍ୟା ଚ ଯଃ ପଠେତ୍ ॥ ୨୦॥

ଇହ ପ୍ରାପ୍ୟ ଦୃଢାଂ ଭକ୍ତିମନ୍ତେ ଦାସ୍ୟଂ ଲଭେଦ୍ଧ୍ରୁବମ୍ ।
ଜନ୍ମମୃତ୍ୟୁଜରାବ୍ୟାଧିଶୋକେଭ୍ୟୋ ମୁଚ୍ୟତେ ନରଃ ॥ ୨୧॥

ନ ହି ପଶ୍ୟତି ସ୍ୱପ୍ନେଽପି ଯମଦୂତଂ ଯମାଲୟମ୍ ॥ ୨୨॥

॥ ଇତି ଶ୍ରୀବ୍ରହ୍ମବୈବର୍ତେ ଇନ୍ଦ୍ରକୃତଂ ଶ୍ରୀକୃଷ୍ଣସ୍ତୋତ୍ରଂ ସମାପ୍ତମ୍ ॥

Leave a Reply

Your email address will not be published. Required fields are marked *