శ్రీ మేధా దక్షిణామూర్తి

శ్రీ గురు కవచం~ Sri guru kavacham in telugu

Last Updated on April 22, 2021 

Read Sri guru kavacham in telugu with lyrics శ్రీ గురు కవచం:

|| అథ పురశ్చరణరసోల్లాసే ఈశ్వరదేవీసంవాదే శ్రీగురుకవచం ||

శ్రీఈశ్వర ఉవాచ:

శృణు దేవి! ప్రవక్ష్యామి గుహ్యాద్గుహ్యతరం మహత్ |
లోకోపకారకం ప్రశ్నం న కేనాపి కృతం పురా || 1||

అద్య ప్రభృతి కస్యాపి న ఖ్యాతం కవచం మయా |
దేశికాః బహవః సంతి మంత్రసాధనతత్పరాః || 2||

న తేషాం జాయతే సిద్ధిః మంత్రైర్వా చక్రపూజనైః |
గురోర్విధానం కవచమజ్ఞాత్వా క్రియతే జపః |
వృథాశ్రమో భవేత్ తస్య న సిద్ధిర్మంత్రపూజనైః || 3||

గురుపాదం పురస్కృత్య ప్రాప్యతే కవచం శుభం |
తదా మంత్రస్య యంత్రస్య సిద్ధిర్భవతి తత్క్షణాత్ |
సుగోప్యం తు ప్రజప్తవ్యం న వక్తవ్యం వరాననే || 4||

సవిధి శ్రీగురుకవచస్తోత్రం:

వినియోగః
ఓం నమోఽస్య శ్రీగురుకవచనామమంత్రస్య పరమబ్రహ్మ ఋషిః
సర్వవేదానుజ్ఞో దేవదేవో శ్రీ ఆదిశివః దేవతా నమో హసౌం
హంసః హ-స-క్ష-మ-ల-వ-ర-యూం సోఽహం హంసః బీజం
స-హ-క్ష-మ-ల-వ-ర-యీం శక్తిఃహంసః సోఽహం కీలకం
సమస్తశ్రీగురుమండలప్రీత్యర్థే జపే వినియోగః |

ఋష్యాదిన్యాసః
శ్రీపరమబ్రహ్మర్షయే నమః శిరసి | సర్వవేదానుజ్ఞదేవదేవ
శ్రీ ఆదిశివదేవతాయై నమః హృది | నమః హసౌం హంసః
హ-స-క్ష-మ-ల-వ-ర-యూం సోఽహం హంసః బీజాయ నమః గుహ్యే |
స-హ-క్ష-మ-ల-వ-ర-యీం శక్తయే నమః నాభౌ | హంసః సోఽహం
కీలకాయ నమః పాదయోః | సమస్తశ్రీగురుమండలప్రీత్యర్థే జపే వినియోగాయ
నమః అంజలౌ |

అథ షడంగన్యాసః |
ఓం హసాం | ఓం హసీం | ఓం హసూం | ఓం హసైం | ఓం హసౌం | ఓం హసః |

అథ కరన్యాసః |
ఓం హసాం అంగుష్ఠాభ్యాం నమః |
ఓం హసీం తర్జనీభ్యాం నమః |
ఓం హసూం మధ్యమాభ్యాం నమః |
ఓం హసైం అనామికాభ్యాం నమః |
ఓం హసౌం కనిష్ఠాభ్యాం నమః |
ఓం హసః కరతలకరపృష్ఠాభ్యాం నమః |

అథ అంగన్యాసః |
ఓం హసాం హృదయాయ నమః |
ఓం హసీం శిరసే స్వాహా |
ఓం హసూం శిఖాయై వషట్ |
ఓం హసైం కవచాయ హుం |
ఓం హసౌం నేత్రత్రయాయ వౌషట్ |
ఓం హసః అస్త్రాయ ఫట్ |

ధ్యానం —
శ్రీసిద్ధమానవముఖా గురవః స్వరూపం
సంసారదాహశమనం ద్విభుజం త్రినేత్రం |
వామాంగశక్తిసకలాభరణైర్విభూషం
ధ్యాయేజ్జపేత్ సకలసిద్ధిఫలప్రదం చ ||

మానసపూజన
లం పృథివ్యాత్మకం గంధతన్మాత్రప్రకృత్యాత్మకం గంధం
సశక్తికాయ శ్రీగురవే సమర్పయామి నమః |
హం ఆకాశాత్మకం శబ్దతన్మాత్రప్రకృత్యాత్మకం పుష్పం
సశక్తికాయ శ్రీగురవే సమర్పయామి నమః |
యం వాయ్వాత్మకం స్పర్శతన్మాత్రప్రకృత్యాత్మకం ధూపం
సశక్తికాయ శ్రీగురవే ఘ్రాపయామి నమః |
రం వహ్న్యాత్మకం రూపతన్మత్రప్రకృత్యాత్మకం దీపం
సశక్తికాయ శ్రీగురవే సమర్పయామి నమః |
వం అమృతాత్మకం రసతన్మాత్రప్రకృత్యాత్మకం నైవేద్యం
సశక్తికాయ శ్రీగురవే సమర్పయామి నమః |
సం సర్వాత్మికాం తాంబూలాదిసర్వోపచారపూజాం
సశక్తికాయ శ్రీగురవే సమర్పయామి నమః |

|| కవచస్తోత్రం ||

ఓం నమః ప్రకాశానందనాథః తు శిఖాయాం పాతు మే సదా |
పరశివానందనాథః శిరో మే రక్షయేత్ సదా || 1||

పరశక్తిదివ్యానందనాథో భాలే చ రక్షతు |
కామేశ్వరానందనాథో ముఖం రక్షతు సర్వధృక్ || 2||

దివ్యౌఘో మస్తకం దేవి! పాతు సర్వశిరః సదా |
కంఠాదినాభిపర్యంతం సిద్ధౌఘా గురవః ప్రియే || 3||

భోగానందనాథ గురుః పాతు దక్షిణబాహుకం |
సమయానందనాథశ్చ సంతతం హృదయేఽవతు || 4||

సహజానందనాథశ్చ కటిం నాభిం చ రక్షతు |
ఏష స్థానేషు సిద్ధౌఘాః రక్షంతు గురవః సదా || 5||

అధరే మానవౌఘాశ్చ గురవః కులనాయికే!
గగనానందనాథశ్చ గుల్ఫయోః పాతు సర్వదా || 6||

నీలౌఘానందనాథశ్చ రక్షయేత్ పాదపృష్ఠతః |
స్వాత్మానందనాథగురుః పాదాంగులీశ్చ రక్షతు || 7||

కందోలానందనాథశ్చ రక్షేత్ పాదతలే సదా |
ఇత్యేవం మానవౌఘాశ్చ న్యసేన్నాభ్యాదిపాదయోః || 8||

గురుర్మే రక్షయేదుర్వ్యాం సలిలే పరమో గురుః |
పరాపరగురుర్వహ్నౌ రక్షయేత్ శివవల్లభే || 9||

పరమేష్ఠీగురుశ్చైవ రక్షయేత్ వాయుమండలే |
శివాదిగురవః సాక్షాత్ ఆకాశే రక్షయేత్ సదా || 10||

ఇంద్రో గురుః పాతు పూర్వే ఆగ్నేయాం గురురగ్నయః |
దక్షే యమో గురుః పాతు నైఋత్యాం నిఋతిర్గురుః || 11||

వరుణో గురుః పశ్చిమే వాయవ్యాం మారుతో గురుః |
ఉత్తరే ధనదః పాతు ఐశాన్యామీశ్వరో గురుః || 12||

ఊర్ధ్వం పాతు గురుర్బ్రహ్మా అనంతో గురురప్యధః |
ఏవం దశదిశః పాంతు ఇంద్రాదిగురవః క్రమాత్ || 13||

శిరసః పాదపర్యంతం పాంతు దివ్యౌఘసిద్ధయః |
మానవౌఘాశ్చ గురవో వ్యాపకం పాంతు సర్వదా || 14||

సర్వత్ర గురురూపేణ సంరక్షేత్ సాధకోత్తమం |
ఆత్మానం గురురూపం చ ధ్యాయేన్ మంత్రం సదా బుధః || 15||

ఫలశ్రుతిః

ఇత్యేవం గురుకవచం బ్రహ్మలోకేఽపి దుర్లభం |
తవ ప్రీత్యా మయా ఖ్యాతం న కస్య కథితం ప్రియే || 1||

పూజాకాలే పఠేద్ యస్తు జపకాలే విశేషతః |
త్రైలోక్యదుర్లభం దేవి | భుక్తిముక్తిఫలప్రదం || 2||

సర్వమంత్రఫలం తస్య సర్వయంత్రఫలం తథా |
సర్వతీర్థఫలం దేవి | యః పఠేత్ కవచం గురోః || 3||

అష్టగంధేన భూర్జే చ లిఖ్యతే చక్రసంయుతం |
కవచం గురుపంక్తేస్తు భక్త్యా చ శుబవాసరే || 4||

పూజయేత్ ధూపదీపాద్యైః సుధాభిః సితసంయుతైః |
తర్పయేత్ గురుమంత్రేణ సాధకః శుద్ధచేతసా || 5||

ధారయేత్ కవచం దేవి! ఇహ భూతభయాపహం |
పఠేన్మంత్రీ త్రికాలం హి స ముక్తో భవబంధనాత్ |
ఏవం కవచం పరమం దివ్యసిద్ధౌఘకలావాన్ || 6||

|| ఇతి పురశ్చరణరసోల్లాసే ద్వితీయప్రశ్నే దశమపటలే
ఈశ్వరదేవీసంవాదే శ్రీగురుకవచం సంపూర్ణం ||

Similar Posts

Leave a Reply

Your email address will not be published. Required fields are marked *