Radha krishna

ଶ୍ରୀରାଧାକବଚମ୍~ Radha kavacham in Odia(Oriya) pdf

Last Updated on April 21, 2021 

ଶ୍ରୀରାଧାକବଚମ୍ : Radha kavacham in Odia(Oriya) with lyrics

ଶ୍ରୀଗଣେଶାୟ ନମଃ ।
ପାର୍ୱତ୍ୟୁବାଚ
କୈଲାସିଅବାସିନ୍ ଭଗବନ୍ ଭକ୍ତାନୁଗ୍ରହକାରକ ।
ରାଧିକାକବଚଂ ପୁଣ୍ୟଂ କଥୟସ୍ୱ ମମ ପ୍ରଭୋ ॥ ୧॥

ଯଦ୍ୟସ୍ତି କରୁଣା ନାଥ ତ୍ରାହି ମାଂ ଦୁଃଖତୋ ଭୟାତ୍ ।
ତ୍ୱମେବ ଶରଣଂ ନାଥ ଶୂଲପାଣେ ପିନାକଧୃକ୍ ॥ ୨॥

ଶିବ ଉବାଚ
ଶୃଣୁଷ୍ୱ ଗିରିଜେ ତୁଭ୍ୟଂ କବଚଂ ପୂର୍ୱସୂଚିତମ୍ ।
ସର୍ୱରକ୍ଷାକରଂ ପୁଣ୍ୟଂ ସର୍ୱହତ୍ୟାହରଂ ପରମ୍ ॥ ୩॥

ହରିଭକ୍ତିପ୍ରଦଂ ସାକ୍ଷାଦ୍ଭୁକ୍ତିମୁକ୍ତିପ୍ରସାଧନମ୍ ।
ତ୍ରୈଲୋକ୍ୟାକର୍ଷଣଂ ଦେବି ହରିସାନ୍ନିଧ୍ୟକାରକମ୍ ॥ ୪॥

ସର୍ୱତ୍ର ଜୟଦଂ ଦେବି ସର୍ୱଶତ୍ରୁଭୟାବହମ୍ ।
ସର୍ୱେଷାଂ ଚୈବ ଭୂତାନାଂ ମନୋବୃତ୍ତିହରଂ ପରମ୍ ॥ ୫॥

ଚତୁର୍ଧା ମୁକ୍ତିଜନକଂ ସଦାନନ୍ଦକରଂ ପରମ୍ ।
ରାଜସୂୟାଶ୍ୱମେଧାନାଂ ଯଜ୍ଞାନାଂ ଫଲଦାୟକମ୍ ॥ ୬॥

ଇଦଂ କବଚମଜ୍ଞାତ୍ୱା ରାଧାମନ୍ତ୍ରଂ ଚ ଯୋ ଜପେତ୍ ।
ସ ନାପ୍ନୋତି ଫଲଂ ତସ୍ୟ ବିଘ୍ନାସ୍ତସ୍ୟ ପଦେ ପଦେ ॥ ୭॥

ଋଷିରସ୍ୟ ମହାଦେବୋଽନୁଷ୍ଟୁପ୍ ଛନ୍ଦଶ୍ଚ କୀର୍ତିତମ୍ ।
ରାଧାଽସ୍ୟ ଦେବତା ପ୍ରୋକ୍ତା ରାଂ ବୀଜଂ କୀଲକଂ ସ୍ମୃତମ୍ ॥ ୮॥

ଧର୍ମାର୍ଥକାମମୋକ୍ଷେଷୁ ବିନିୟୋଗଃ ପ୍ରକୀର୍ତିତଃ ।
ଶ୍ରୀରାଧା ମେ ଶିରଃ ପାତୁ ଲଲାଟଂ ରାଧିକା ତଥା ॥ ୯॥

ଶ୍ରୀମତୀ ନେତ୍ରୟୁଗଲଂ କର୍ଣୌ ଗୋପେନ୍ଦ୍ରନନ୍ଦିନୀ ।
ହରିପ୍ରିୟା ନାସିକାଂ ଚ ଭ୍ରୂୟୁଗଂ ଶଶିଶୋଭନା ॥ ୧୦॥

ଓଷ୍ଠଂ ପାତୁ କୃପାଦେବୀ ଅଧରଂ ଗୋପିକା ତଥା ।
ବୃଷଭାନୁସୁତା ଦନ୍ତାଂଶ୍ଚିବୁକଂ ଗୋପନନ୍ଦିନୀ ॥ ୧୧॥

ଚନ୍ଦ୍ରାବଲୀ ପାତୁ ଗଣ୍ଡଂ ଜିହ୍ୱାଂ କୃଷ୍ଣପ୍ରିୟା ତଥା ।
କଣ୍ଠଂ ପାତୁ ହରିପ୍ରାଣା ହୃଦୟଂ ବିଜୟା ତଥା ॥ ୧୨॥

ବାହୂ ଦ୍ୱୌ ଚନ୍ଦ୍ରବଦନା ଉଦରଂ ସୁବଲସ୍ୱସା ।
କୋଟିୟୋଗାନ୍ୱିତା ପାତୁ ପାଦୌ ସୌଭଦ୍ରିକା ତଥା ॥ ୧୩॥

ନଖାଂଶ୍ଚନ୍ଦ୍ରମୁଖୀ ପାତୁ ଗୁଲ୍ଫୌ ଗୋପାଲବଲ୍ଲଭା ।
ନଖାନ୍ ବିଧୁମୁଖୀ ଦେବୀ ଗୋପୀ ପାଦତଲଂ ତଥା ॥ ୧୪॥

ଶୁଭପ୍ରଦା ପାତୁ ପୃଷ୍ଠଂ କୁକ୍ଷୌ ଶ୍ରୀକାନ୍ତବଲ୍ଲଭା ।
ଜାନୁଦେଶଂ ଜୟା ପାତୁ ହରିଣୀ ପାତୁ ସର୍ୱତଃ ॥ ୧୫॥

ବାକ୍ୟଂ ବାଣୀ ସଦା ପାତୁ ଧନାଗାରଂ ଧନେଶ୍ୱରୀ ।
ପୂର୍ୱାଂ ଦିଶଂ କୃଷ୍ଣରତା କୃଷ୍ଣପ୍ରାଣା ଚ ପଶ୍ଚିମାମ୍ ॥ ୧୬॥

ଉତ୍ତରାଂ ହରିତା ପାତୁ ଦକ୍ଷିଣାଂ ବୃଷଭାନୁଜା ।
ଚନ୍ଦ୍ରାବଲୀ ନୈଶମେବ ଦିବା କ୍ଷ୍ୱେଡିତମେଖଲା ॥ ୧୭॥

ସୌଭାଗ୍ୟଦା ମଧ୍ୟଦିନେ ସାୟାହ୍ନେ କାମରୂପିଣୀ ।
ରୌଦ୍ରୀ ପ୍ରାତଃ ପାତୁ ମାଂ ହି ଗୋପିନୀ ରଜନୀକ୍ଷୟେ ॥ ୧୮॥

ହେତୁଦା ସଙ୍ଗବେ ପାତୁ କେତୁମାଲା ଦିବାର୍ଧକେ ।
ଶେଷାଽପରାହ୍ଣସମବେ ଶମିତା ସର୍ୱସନ୍ଧିଷୁ ॥ ୧୯॥

ଯୋଗିନୀ ଭୋଗସମୟେ ରତୌ ରତିପ୍ରଦା ସଦା ।
କାମେଶୀ କୌତୁକେ ନିତ୍ୟଂ ଯୋଗେ ରତ୍ନାବଲୀ ମମ ॥ ୨୦॥

ସର୍ୱଦା ସର୍ୱକାର୍ୟେଷୁ ରାଧିକା କୃଷ୍ଣମାନସା ।
ଇତ୍ୟେତତ୍କଥିତଂ ଦେବି କବଚଂ ପରମାଦ୍ଭୁତମ୍ ॥ ୨୧॥

ସର୍ୱରକ୍ଷାକରଂ ନାମ ମହାରକ୍ଷାକରଂ ପରମ୍ ।
ପ୍ରାତର୍ମଧ୍ୟାହ୍ନସମୟେ ସାୟାହ୍ନେ ପ୍ରପଠେଦ୍ୟଦି ॥ ୨୨॥

ସର୍ୱାର୍ଥସିଦ୍ଧିସ୍ତସ୍ୟ ସ୍ୟାଦ୍ୟନ୍ମନସି ବର୍ତତେ ।
ରାଜଦ୍ୱାରେ ସଭାୟାଂ ଚ ସଙ୍ଗ୍ରାମେ ଶତ୍ରୁସଙ୍କଟେ ॥ ୨୩॥

ପ୍ରାଣାର୍ଥନାଶସମୟେ ଯଃ ପଠେତ୍ପ୍ରୟତୋ ନରଃ ।
ତସ୍ୟ ସିଦ୍ଧିର୍ଭବେଦ୍ଦେବି ନ ଭୟଂ ବିଦ୍ୟତେ କ୍ୱଚିତ୍ ॥ ୨୪॥

ଆରାଧିତା ରାଧିକା ଚ ତେନ ସତ୍ୟଂ ନ ସଂଶୟଃ ।
ଗଙ୍ଗାସ୍ନାନାଦ୍ଧରେର୍ନାମଗ୍ରହଣାଦ୍ୟତ୍ଫଲଂ ଲଭେତ୍ ॥ ୨୫॥

ତତ୍ଫଲଂ ତସ୍ୟ ଭବତି ଯଃ ପଠେତ୍ପ୍ରୟତଃ ଶୁଚିଃ ।
ହରିଦ୍ରାରୋଚନାଚନ୍ଦ୍ରମଣ୍ଡିତଂ ହରିଚନ୍ଦନମ୍ ॥ ୨୬॥

କୃତ୍ୱା ଲିଖିତ୍ୱା ଭୂର୍ଜେ ଚ ଧାରୟେନ୍ମସ୍ତକେ ଭୁଜେ ।
କଣ୍ଠେ ବା ଦେବଦେବେଶି ସ ହରିର୍ନାତ୍ର ସଂଶୟଃ ॥ ୨୭॥

କବଚସ୍ୟ ପ୍ରସାଦେନ ବ୍ରହ୍ମା ସୃଷ୍ଟିଂ ସ୍ଥିତିଂ ହରିଃ ।
ସଂହାରଂ ଚାହଂ ନିୟତଂ କରୋମି କୁରୁତେ ତଥା ॥ ୨୮॥

ବୈଷ୍ଣବାୟ ବିଶୁଦ୍ଧାୟ ବିରାଗଗୁଣଶାଲିନେ ।
ଦଦ୍ୟାତ୍କବଚମବ୍ୟଗ୍ରମନ୍ୟଥା ନାଶମାପ୍ନୁୟାତ୍ ॥ ୨୯॥

॥ ଇତି ଶ୍ରୀନାରଦପଞ୍ଚରାତ୍ରେ ଜ୍ଞାନାମୃତସାରେ ରାଧାକବଚଂ
ସମ୍ପୂର୍ଣମ୍ ॥

Leave a Reply

Your email address will not be published. Required fields are marked *