বাঙালি

শ্রীরাধাকবচম্ ~Sri Radha kavacham lyrics in bengali

Last Updated on April 16, 2021 

শ্রীরাধাকবচম্ : shri Radha kavacham in bengali with lyrics

শ্রীগণেশায় নমঃ ।
পার্বত্যুবাচ
কৈলাসিঅবাসিন্ ভগবন্ ভক্তানুগ্রহকারক ।
রাধিকাকবচং পুণ্যং কথয়স্ব মম প্রভো ॥ ১॥

যদ্যস্তি করুণা নাথ ত্রাহি মাং দুঃখতো ভয়াৎ ।
ৎবমেব শরণং নাথ শূলপাণে পিনাকধৃক্ ॥ ২॥

শিব উবাচ
শৃণুষ্ব গিরিজে তুভ্যং কবচং পূর্বসূচিতম্ ।
সর্বরক্ষাকরং পুণ্যং সর্বহত্যাহরং পরম্ ॥ ৩॥

হরিভক্তিপ্রদং সাক্ষাদ্ভুক্তিমুক্তিপ্রসাধনম্ ।
ত্রৈলোক্যাকর্ষণং দেবি হরিসান্নিধ্যকারকম্ ॥ ৪॥

সর্বত্র জয়দং দেবি সর্বশত্রুভয়াবহম্ ।
সর্বেষাং চৈব ভূতানাং মনোবৃত্তিহরং পরম্ ॥ ৫॥

চতুর্ধা মুক্তিজনকং সদানন্দকরং পরম্ ।
রাজসূয়াশ্বমেধানাং যজ্ঞানাং ফলদায়কম্ ॥ ৬॥

ইদং কবচমজ্ঞাৎবা রাধামন্ত্রং চ যো জপেৎ ।
স নাপ্নোতি ফলং তস্য বিঘ্নাস্তস্য পদে পদে ॥ ৭॥

ঋষিরস্য মহাদেবোঽনুষ্টুপ্ ছন্দশ্চ কীর্তিতম্ ।
রাধাঽস্য দেবতা প্রোক্তা রাং বীজং কীলকং স্মৃতম্ ॥ ৮॥

ধর্মার্থকামমোক্ষেষু বিনিয়োগঃ প্রকীর্তিতঃ ।
শ্রীরাধা মে শিরঃ পাতু ললাটং রাধিকা তথা ॥ ৯॥

শ্রীমতী নেত্রয়ুগলং কর্ণৌ গোপেন্দ্রনন্দিনী ।
হরিপ্রিয়া নাসিকাং চ ভ্রূয়ুগং শশিশোভনা ॥ ১০॥

ওষ্ঠং পাতু কৃপাদেবী অধরং গোপিকা তথা ।
বৃষভানুসুতা দন্তাংশ্চিবুকং গোপনন্দিনী ॥ ১১॥

চন্দ্রাবলী পাতু গণ্ডং জিহ্বাং কৃষ্ণপ্রিয়া তথা ।
কণ্ঠং পাতু হরিপ্রাণা হৃদয়ং বিজয়া তথা ॥ ১২॥

বাহূ দ্বৌ চন্দ্রবদনা উদরং সুবলস্বসা ।
কোটিয়োগান্বিতা পাতু পাদৌ সৌভদ্রিকা তথা ॥ ১৩॥

নখাংশ্চন্দ্রমুখী পাতু গুল্ফৌ গোপালবল্লভা ।
নখান্ বিধুমুখী দেবী গোপী পাদতলং তথা ॥ ১৪॥

শুভপ্রদা পাতু পৃষ্ঠং কুক্ষৌ শ্রীকান্তবল্লভা ।
জানুদেশং জয়া পাতু হরিণী পাতু সর্বতঃ ॥ ১৫॥

বাক্যং বাণী সদা পাতু ধনাগারং ধনেশ্বরী ।
পূর্বাং দিশং কৃষ্ণরতা কৃষ্ণপ্রাণা চ পশ্চিমাম্ ॥ ১৬॥

উত্তরাং হরিতা পাতু দক্ষিণাং বৃষভানুজা ।
চন্দ্রাবলী নৈশমেব দিবা ক্ষ্বেডিতমেখলা ॥ ১৭॥

সৌভাগ্যদা মধ্যদিনে সায়াহ্নে কামরূপিণী ।
রৌদ্রী প্রাতঃ পাতু মাং হি গোপিনী রজনীক্ষয়ে ॥ ১৮॥

হেতুদা সঙ্গবে পাতু কেতুমালা দিবার্ধকে ।
শেষাঽপরাহ্ণসমবে শমিতা সর্বসন্ধিষু ॥ ১৯॥

যোগিনী ভোগসময়ে রতৌ রতিপ্রদা সদা ।
কামেশী কৌতুকে নিত্যং যোগে রত্নাবলী মম ॥ ২০॥

সর্বদা সর্বকার্যেষু রাধিকা কৃষ্ণমানসা ।
ইত্যেতৎকথিতং দেবি কবচং পরমাদ্ভুতম্ ॥ ২১॥

সর্বরক্ষাকরং নাম মহারক্ষাকরং পরম্ ।
প্রাতর্মধ্যাহ্নসময়ে সায়াহ্নে প্রপঠেদ্যদি ॥ ২২॥

সর্বার্থসিদ্ধিস্তস্য স্যাদ্যন্মনসি বর্ততে ।
রাজদ্বারে সভায়াং চ সঙ্গ্রামে শত্রুসঙ্কটে ॥ ২৩॥

প্রাণার্থনাশসময়ে যঃ পঠেৎপ্রয়তো নরঃ ।
তস্য সিদ্ধির্ভবেদ্দেবি ন ভয়ং বিদ্যতে ক্বচিৎ ॥ ২৪॥

আরাধিতা রাধিকা চ তেন সত্যং ন সংশয়ঃ ।
গঙ্গাস্নানাদ্ধরের্নামগ্রহণাদ্যৎফলং লভেৎ ॥ ২৫॥

তৎফলং তস্য ভবতি যঃ পঠেৎপ্রয়তঃ শুচিঃ ।
হরিদ্রারোচনাচন্দ্রমণ্ডিতং হরিচন্দনম্ ॥ ২৬॥

কৃৎবা লিখিৎবা ভূর্জে চ ধারয়েন্মস্তকে ভুজে ।
কণ্ঠে বা দেবদেবেশি স হরির্নাত্র সংশয়ঃ ॥ ২৭॥

কবচস্য প্রসাদেন ব্রহ্মা সৃষ্টিং স্থিতিং হরিঃ ।
সংহারং চাহং নিয়তং করোমি কুরুতে তথা ॥ ২৮॥

বৈষ্ণবায় বিশুদ্ধায় বিরাগগুণশালিনে ।
দদ্যাৎকবচমব্যগ্রমন্যথা নাশমাপ্নুয়াৎ ॥ ২৯॥

॥ ইতি শ্রীনারদপঞ্চরাত্রে জ্ঞানামৃতসারে রাধাকবচং
সম্পূর্ণম্ ॥

Similar Posts

Leave a Reply

Your email address will not be published. Required fields are marked *