Parvathi

ପାର୍ୱତୀସ୍ତୋତ୍ରମ୍~ parvathi stotram in odia pdf

Last Updated on April 21, 2021 

Read parvathi stotram in odia with lyrics (save as pdf) ପାର୍ୱତୀସ୍ତୋତ୍ରମ୍:

ବିବୁଧାଧିପତେଜିନୀଶକାନ୍ତେ ବଦନାଭାଜିତୟାମିନୀଶକାନ୍ତେ ।
ନବକୁନ୍ଦବିରାଜମାନଦନ୍ତେ ନଲିନାଭଂ ପ୍ରଣମାମ୍ୟହଂ ପଦଂ ତେ ॥ ୧ ॥

ବିକଚାମ୍ବୁରୁହାଂ ବିଲାସଚୋରୈରତିଶୀତୈଃ ପ୍ରବହଦ୍ଦୟାମ୍ବୁପୂରୈଃ ।
ଶଶିଶେଖରଚିତ୍ତନୃତ୍ତରଙ୍ଗୈସ୍ତରସାଲୋକୟ ଦେବି ମାମପାଙ୍ଗୈଃ ॥ ୨ ॥

ଅବନୀଧରନାୟକସ୍ୟ କନ୍ୟେ କୃପଣଂ ମାଂ ପରିପାଲୟାତିଧନ୍ୟେ ।
ବିଧିମାଧବବାସବାଦିମାନ୍ୟେ ଦ୍ରୁତମୁନ୍ମୂଲିତଭକ୍ତଲୋକଦୈନ୍ୟେ ॥ ୩ ॥

କୁଚନିନ୍ଦିତଶାତକୁମ୍ଭଶୈଲେ ମଣିକାଞ୍ଚୀବଲୟୋଲ୍ଲସଦ୍ଦୁକୂଲେ ।
ପରିପାଲୟ ମାଂ ଭବାନି ବାଲେ ତ୍ରିଜଗଦ୍ରକ୍ଷଣଜାଗରୂକଲୀଲେ ॥ ୪ ॥

ସ୍ୱରୁଚା ଜିତତପ୍ତଶାତକୁମ୍ଭେ କଚଶୋଭାଜିତକାଲମେଘଡମ୍ଭେ ।
ପରିପାଲୟ ମାଂ ତ୍ରସନ୍ନିଶୁମ୍ଭେ ମକୁଟୋଲ୍ଲାସିସୁଧାମୟୂଖଡିମ୍ଭେ ॥ ୫ ॥

କୁସୁମାୟୁଧଜୀବନାକ୍ଷିକୋଣେ ପରିତୋ ମାମବ ପଦ୍ମରାଗଶୋଣେ ।
ସ୍ମରବୈରିବଶୀକୃତପ୍ରବୀଣେ ଚରଣାବ୍ଜାନତସତ୍କ୍ରିୟାଧୁରୀଣେ ॥ ୬ ॥

ଗିରିଜେ ଗଗନୋପମାବଲଗ୍ନେ ଗିରିତୁଙ୍ଗସ୍ତନଗୌରବେଣ ଭୁଗ୍ନେ ।
ବସ ମେ ହୃଦୟେ ତବାଙ୍ଗଲଗ୍ନେ ତବ ସଂଦର୍ଶନମୋଦସିନ୍ଧୁମଗ୍ନେ ॥ ୭ ॥

ସକଲୋପନିଷତ୍ସରୋଜବାଟୀକଲହଂସ୍ୟାସ୍ତବ ମେ କବିତ୍ୱଧାଟୀ ।
କୃପୟାବିରଭୂଦିୟଂ ତୁ ପେଟୀ ବହତୁ ତ୍ୱଦ୍ଗୁଣରମ୍ୟରତ୍ନକୋଟୀଃ ॥ ୮ ॥

॥ ଇତି ଶ୍ରୀପାର୍ୱତୀସ୍ତୋତ୍ରଂ ସଂପୂର୍ଣମ୍ ॥

Similar Posts

Leave a Reply

Your email address will not be published. Required fields are marked *