Shiva

ମୃତ୍ୟୁଞ୍ଜୟସହସ୍ରନାମସ୍ତୋତ୍ରମ୍~ mrityunjaya sahasranama stotram in odia

Last Updated on April 21, 2021 

Read mrityunjaya sahasranama stotram in odia with lyrics (save as pdf) ମୃତ୍ୟୁଞ୍ଜୟସହସ୍ରନାମସ୍ତୋତ୍ରମ୍:

ଶ୍ରୀଗଣେଶାୟ ନମଃ ।
ଶ୍ରୀଭୈରବ ଉବାଚ ।
ଅଧୁନା ଶୃଣୁ ଦେବେଶି ସହସ୍ରାଖ୍ୟସ୍ତବୋତ୍ତମମ୍ ।
ମହାମୃତ୍ୟୁଞ୍ଜୟସ୍ୟାସ୍ୟ ସାରାତ୍ ସାରୋତ୍ତମୋତ୍ତମମ୍ ॥

ଅସ୍ୟ ଶ୍ରୀମହାମୃତ୍ୟୁଞ୍ଜସହସ୍ରନାମସ୍ତୋତ୍ର ମନ୍ତ୍ରସ୍ୟ,
ଭୈରବ ଋଷିଃ, ଉଷ୍ଣିକ୍ ଛନ୍ଦଃ, ଶ୍ରୀମହାମୃତ୍ୟୁଞ୍ଜୟୋ ଦେବତା,
ଓଁ ବୀଜଂ, ଜୁଂ ଶକ୍ତିଃ, ସଃ କୀଲକଂ, ପୁରୁଷାର୍ଥସିଦ୍ଧୟେ
ସହସ୍ରନାମ ପାଠେ ବିନିୟୋଗଃ ।
ଧ୍ୟାନମ୍ –
ଉଦ୍ୟଚ୍ଚନ୍ଦ୍ରସମାନଦୀପ୍ତିମମୃତାନନ୍ଦୈକହେତୁଂ ଶିବଂ
ଓଁ ଜୁଂ ସଃ ଭୁବନୈକସୃଷ୍ଟିପ୍ର(ବି)ଲୟୋଦ୍ଭୂତ୍ୟେକରକ୍ଷାକରମ୍ ।
ଶ୍ରୀମତ୍ତାରଦଶାର୍ଣମଣ୍ଡିତତନୁଂ ତ୍ର୍ୟକ୍ଷଂ ଦ୍ୱିବାହୁଂ ପରଂ
ଶ୍ରୀମୃତ୍ୟୁଞ୍ଜୟମୀଡ୍ୟବିକ୍ରମଗୁଣୈଃ ପୂର୍ଣଂ ହୃଦବ୍ଜେ ଭଜେ ॥

ଅଥ ସ୍ତୋତ୍ରମ୍ –
ଓଁ ଜୁଂ ସଃ ହୌଂ ମହାଦେବୋ ମନ୍ତ୍ରଜ୍ଞୋ ମାନଦାୟକଃ । (ମନ୍ତ୍ରେଶୋ ମନ୍ତ୍ରନାୟକଃ)
ମାନୀ ମନୋରମାଙ୍ଗଶ୍ଚ ମନସ୍ୱୀ ମାନବର୍ଧନଃ ॥ ୧॥

ମାୟାକର୍ତା ମଲ୍ଲରୂପୋ ମଲ୍ଲମାରାନ୍ତକୋ ମୁନିଃ ।
ମହେଶ୍ୱରୋ ମହାମାନ୍ୟୋ ମନ୍ତ୍ରୀ ମନ୍ତ୍ରିଜନପ୍ରିୟଃ ॥ ୨॥

ମାରୁତୋ ମରୁତାଂ ଶ୍ରେଷ୍ଠୋ ମାସିକଃ ପକ୍ଷିକୋଽମୃତଃ ।
ମାତଙ୍ଗକୋ ମତ୍ତଚିତ୍ତୋ ମତ୍ତଚିନ୍ମତ୍ତଭାବନଃ ॥ ୩॥

ମାନବେଷ୍ଟପ୍ରଦୋ ମେଷୋ ମେନକାପତିବଲ୍ଲଭଃ ।
ମାନକାୟୋ ମଧୁସ୍ତେୟୀ ମାରୟୁକ୍ତୋ ଜିତେନ୍ଦ୍ରିୟଃ ॥ ୪॥

ଜୟୋ ବିଜୟଦୋ ଜେତା ଜୟେଶୋ ଜୟବଲ୍ଲଭଃ ।
ଡାମରେଶୋ ବିରୂପାକ୍ଷୋ ବିଶ୍ୱଭୋକ୍ତା ବିଭାବସୁଃ ॥ ୫॥

ବିଶ୍ୱେଶୋ ବିଶ୍ୱନାଥଶ୍ଚ ବିଶ୍ୱସୂର୍ୱିଶ୍ୱନାୟକଃ । (ବିଶ୍ୱତାତଶ୍ଚ)
ବିନେତା ବିନୟୀ ବାଦୀ ବାନ୍ତଦୋ ବାକ୍ପ୍ରଦୋ ବଟୁଃ ॥ ୬॥

ସ୍ଥୂଲଃ ସୂକ୍ଷ୍ମୋଽଚଲୋ ଲୋଲୋ ଲୋଲଜିହ୍ୱଃ କରାଲକଃ । (ସୂକ୍ଷ୍ମଶ୍ଚଲୋ)
ବିରାଧେୟୋ ବିରାଗୀନୋ ବିଲାସୀ ଲାସ୍ୟଲାଲସଃ ॥ ୭॥

ଲୋଲାକ୍ଷୋ ଲୋଲଧୀର୍ଧର୍ମୀ ଧନଦୋ ଧନଦାର୍ଚିତଃ ।
ଧନୀ ଧ୍ୟେୟୋଽପ୍ୟଧ୍ୟେୟଶ୍ଚ ଧର୍ମ୍ୟୋ ଧର୍ମମୟୋଦୟଃ ॥ ୮॥

ଦୟାବାନ୍ ଦେବଜନକୋ ଦେବସେବ୍ୟୋ ଦୟାପତିଃ ।
ଡୁଲିଚକ୍ଷୁର୍ଦରୀବାସୋ ଦମ୍ଭୀ ଦେବମୟାତ୍ମକଃ ॥ ୯॥

କୁରୂପଃ କୀର୍ତିଦଃ କାନ୍ତଃ କ୍ଲୀବୋଽକ୍ଲୀବାତ୍ମକଃ କୁଜଃ ।
ବୁଧୋ ବିଦ୍ୟାମୟଃ କାମୀ କାମକାଲାନ୍ଧକାନ୍ତକଃ ॥ ୧୦॥

ଜୀବୋ ଜୀବପ୍ରଦଃ ଶୁକ୍ରଃ ଶୁଦ୍ଧଃ ଶର୍ମପ୍ରଦୋଽନଘଃ ।
ଶନୈଶ୍ଚରୋ ବେଗଗତିର୍ୱାଚାଲୋ ରାହୁରବ୍ୟଯଃ ॥ ୧୧॥

କେତୁଃ କାରାପତିଃ କାଲଃ ସୂର୍ୟୋଽମିତପରାକ୍ରମଃ ।
ଚନ୍ଦ୍ରୋ ରୁଦ୍ରପତିଃ ଭାସ୍ୱାନ୍ ଭାଗ୍ୟଦୋ ଭର୍ଗରୂପଭୃତ୍ ॥ ୧୨॥

କ୍ରୂରୋ ଧୂର୍ତୋ ବିୟୋଗୀ ଚ ସଙ୍ଗୀ ଗଙ୍ଗାଧରୋ ଗଜଃ ।
ଗଜାନନପ୍ରିୟୋ ଗୀତୋ ଗାନୀ ସ୍ନାନାର୍ଚନପ୍ରିୟଃ ॥ ୧୩॥

ପରମଃ ପୀବରାଙ୍ଗଶ୍ଚ ପାର୍ୱତୀବଲ୍ଲଭୋ ମହାନ୍ ।
ପରାତ୍ମକୋ ବିରାଡ୍ଧୌମ୍ୟଃ ବାନରୋଽମିତକର୍ମକୃତ୍ ॥ ୧୪॥

ଚିଦାନନ୍ଦୀ ଚାରୁରୂପୋ ଗାରୁଡୋ ଗରୁଡପ୍ରିୟଃ ।
ନନ୍ଦୀଶ୍ୱରୋ ନୟୋ ନାଗୋ ନାଗାଲଙ୍କାରମଣ୍ଡିତଃ ॥ ୧୫॥

ନାଗହାରୋ ମହାନାଗୋ ଗୋଧରୋ ଗୋପତିସ୍ତପଃ ।
ତ୍ରିଲୋଚନସ୍ତ୍ରିଲୋକେଶସ୍ତ୍ରିମୂର୍ତିସ୍ତ୍ରିପୁରାନ୍ତକଃ ॥ ୧୬॥

ତ୍ରିଧାମୟୋ ଲୋକମୟୋ ଲୋକୈକବ୍ୟସନାପହଃ ।
ବ୍ୟସନୀ ତୋଷିତଃ ଶମ୍ଭୁସ୍ତ୍ରିଧାରୂପସ୍ତ୍ରିବର୍ଣଭାକ୍ ॥ ୧୭॥

ତ୍ରିଜ୍ୟୋତିସ୍ତ୍ରିପୁରୀନାଥସ୍ତ୍ରିଧାଶାନ୍ତସ୍ତ୍ରିଧାଗତିଃ ।
ତ୍ରିଧାଗୁଣୀ ବିଶ୍ୱକର୍ତା ବିଶ୍ୱଭର୍ତା ଅଧିପୂରୁଷଃ ॥ ୧୮॥ (ତ୍ରିପୂରୁଷଃ)

ଉମେଶୋ ବାସୁକିର୍ୱୀରୋ ବୈନତେୟୋ ବିଚାରକୃତ୍ ।
ବିବେକାକ୍ଷୋ ବିଶାଲାକ୍ଷୋଽବିଧିର୍ୱିଧିରନୁତ୍ତମଃ ॥ ୧୯॥

ବିଦ୍ୟାନିଧିଃ ସରୋଜାକ୍ଷୋ ନିଃସ୍ମରଃ ସ୍ମରନାଶନଃ ।
ସ୍ମୃତିମାନ୍ ସ୍ମୃତିଦଃ ସ୍ମାର୍ତୋ ବ୍ରହ୍ମା ବ୍ରହ୍ମବିଦାଂ ବରଃ ॥ ୨୦॥

ବ୍ରାହ୍ମବ୍ରତୀ ବ୍ରହ୍ମଚାରୀ ଚତୁରଶ୍ଚତୁରାନନଃ ।
ଚଲାଚଲୋଽଚଲଗତିର୍ୱେଗୀ ବୀରାଧିପୋ ବରଃ ॥ ୨୧॥

ସର୍ୱବାସଃ ସର୍ୱଗତିଃ ସର୍ୱମାନ୍ୟଃ ସନାତନଃ ।
ସର୍ୱବ୍ୟାପୀ ସର୍ୱରୂପଃ ସାଗରଶ୍ଚ ସମେଶ୍ୱରଃ ॥ ୨୨॥

ସମନେତ୍ରଃ ସମଦ୍ୟୁତିଃ ସମକାୟଃ ସରୋବରଃ ।
ସରସ୍ୱାନ୍ ସତ୍ୟବାକ୍ ସତ୍ୟଃ ସତ୍ୟରୂପଃ ସୁଧୀଃ ସୁଖୀ ॥ ୨୩॥

ସ୍ୱରାଟ୍ ସତ୍ୟଃ ସତ୍ୟମତୀ ରୁଦ୍ରୋ ରୌଦ୍ରବପୁର୍ୱସୁଃ ।
ବସୁମାନ୍ ବସୁଧାନାଥୋ ବସୁରୂପୋ ବସୁପ୍ରଦଃ ॥ ୨୪॥

ଈଶାନଃ ସର୍ୱଦେବାନାମୀଶାନଃ ସର୍ୱବୋଧିନାମ୍ ।
ଈଶୋଽବଶେଷୋଽବୟବୀ ଶେଷଶାୟୀ ଶ୍ରିୟଃ ପତିଃ ॥ ୨୫॥

ଇନ୍ଦ୍ରଶ୍ଚନ୍ଦ୍ରାବତଂସୀ ଚ ଚରାଚରଜଗତ୍ସ୍ଥିତିଃ ।
ସ୍ଥିରଃ ସ୍ଥାଣୁରଣୁଃ ପୀନଃ ପୀନବକ୍ଷାଃ ପରାତ୍ପରଃ ॥ ୨୬॥

ପୀନରୂପୋ ଜଟାଧାରୀ ଜଟାଜୂଟସମାକୁଲଃ ।
ପଶୁରୂପଃ ପଶୁପତିଃ ପଶୁଜ୍ଞାନୀ ପୟୋନିଧିଃ ॥ ୨୭॥

ବେଦ୍ୟୋ ବୈଦ୍ୟୋ ବେଦମୟୋ ବିଧିଜ୍ଞୋ ବିଧିମାନ୍ ମୃଡଃ ।
ଶୂଲୀ ଶୁଭଙ୍କରଃ ଶୋଭ୍ୟଃ ଶୁଭକର୍ତା ଶଚୀପତିଃ ॥ ୨୮॥

ଶଶାଙ୍କଧବଲଃ ସ୍ୱାମୀ ବଜ୍ରୀ ଶଙ୍ଖୀ ଗଦାଧରଃ ।
ଚତୁର୍ଭୁଜଶ୍ଚାଷ୍ଟଭୁଜଃ ସହସ୍ରଭୁଜମଣ୍ଡିତଃ ॥ ୨୯॥

ସ୍ରୁବହସ୍ତୋ ଦୀର୍ଘକେଶୋ ଦୀର୍ଘୋ ଦମ୍ଭବିବର୍ଜିତଃ ।
ଦେବୋ ମହୋଦଧିର୍ଦିବ୍ୟୋ ଦିବ୍ୟକୀର୍ତିର୍ଦିବାକରଃ ॥ ୩୦॥

ଉଗ୍ରରୂପ ଉଗ୍ରପତିରୁଗ୍ରବକ୍ଷାସ୍ତପୋମୟଃ ।
ତପସ୍ୱୀ ଜଟିଲସ୍ତାପୀ ତାପହା ତାପବର୍ଜିତଃ ॥ ୩୧॥

ହବିର୍ହରୋ ହୟପତିର୍ହୟଦୋ ହରିମଣ୍ଡିତଃ ।
ହରିବାହୀ ମହୌଜସ୍କୋ ନିତ୍ୟୋ ନିତ୍ୟାତ୍ମକୋଽନଲଃ ॥ ୩୨॥

ସମ୍ମାନୀ ସଂସୃତିର୍ହାରୀ ସର୍ଗୀ ସନ୍ନିଧିରନ୍ୱୟଃ ।
ବିଦ୍ୟାଧରୋ ବିମାନୀ ଚ ବୈମାନିକବରପ୍ରଦଃ ॥ ୩୩॥

ବାଚସ୍ପତିର୍ୱସାସାରୋ ବାମାଚାରୀ ବଲନ୍ଧରଃ ।
ବାଗ୍ଭବୋ ବାସବୋ ବାୟୁର୍ୱାସନାବୀଜମଣ୍ଡିତଃ ॥ ୩୪॥

ବାସୀ କୋଲଶୃତିର୍ଦକ୍ଷୋ ଦକ୍ଷୟଜ୍ଞବିନାଶନଃ ।
ଦାକ୍ଷୋ ଦୌର୍ଭାଗ୍ୟହା ଦୈତ୍ୟମର୍ଦନୋ ଭୋଗବର୍ଧନଃ ॥ ୩୫॥

ଭୋଗୀ ରୋଗହରୋ ହେୟୋ ହାରୀ ହରିବିଭୂଷଣଃ ।
ବହୁରୂପୋ ବହୁମତିର୍ବହୁବିତ୍ତୋ ବିଚକ୍ଷଣଃ ॥ ୩୬॥

ନୃତ୍ତକୃଚ୍ଚିତ୍ତସନ୍ତୋଷୋ ନୃତ୍ତଗୀତବିଶାରଦଃ ।
ଶରଦ୍ୱର୍ଣବିଭୂଷାଢ୍ୟୋ ଗଲଦଗ୍ଧୋଽଘନାଶନଃ ॥ ୩୭॥

ନାଗୀ ନାଗମୟୋଽନନ୍ତୋଽନନ୍ତରୂପଃ ପିନାକଭୃତ୍ ।
ନଟନୋ ହାଟକେଶାନୋ ବରୀୟାଂଶ୍ଚ ବିବର୍ଣଭୃତ୍ ॥ ୩୮॥

ଝାଙ୍କାରୀ ଟଙ୍କହସ୍ତଶ୍ଚ ପାଶୀ ଶାର୍ଙ୍ଗୀ ଶଶିପ୍ରଭଃ ।
ସହସ୍ରରୂପୋ ସମଗୁଃ ସାଧୂନାମଭୟପ୍ରଦଃ ॥ ୩୯॥

ସାଧୁସେବ୍ୟଃ ସାଧୁଗତିଃ ସେବାଫଲପ୍ରଦୋ ବିଭୁଃ ।
ସୁମହା ମଦ୍ୟପୋ ମତ୍ତୋ ମତ୍ତମୂର୍ତିଃ ସୁମନ୍ତକଃ ॥ ୪୦॥

କୀଲୀ ଲୀଲାକରୋ ଲାନ୍ତଃ ଭବବନ୍ଧୈକମୋଚନଃ ।
ରୋଚିଷ୍ଣୁର୍ୱିଷ୍ଣୁରଚ୍ୟୁତ ଅମୂର୍ତୋ ନୂତନୋ ନବଃ ॥ ୪୧॥

ନ୍ୟଗ୍ରୋଧରୂପୋ ଭୟଦୋ ଭୟହାଽଭୀତିଧାରଣଃ ।
ଧରଣୀଧରସେବ୍ୟଶ୍ଚ ଧରାଧରସୁତାପତିଃ ॥ ୪୨॥

ଧରାଧରୋଽନ୍ଧକରିପୁର୍ୱିଜ୍ଞାନୀ ମୋହବର୍ଜିତଃ ।
ସ୍ଥାଣୁକେଶୋ ଜଟୀ ଗ୍ରାମ୍ୟୋ ଗ୍ରାମାରାମୋ ରମାପ୍ରିୟଃ ॥ ୪୩॥

ପ୍ରିୟକୃତ୍ ପ୍ରିୟରୂପଶ୍ଚ ବିପ୍ରୟୋଗୀ ପ୍ରତାପନଃ ।
ପ୍ରଭାକରଃ ପ୍ରଭାଦୀପ୍ତୋ ମନ୍ୟୁମାନବନୀଶ୍ୱରଃ ॥ ୪୪॥

ତୀକ୍ଷ୍ଣବାହୁସ୍ତୀକ୍ଷ୍ଣକରସ୍ତୀକ୍ଷ୍ଣାଂଶୁସ୍ତୀକ୍ଷ୍ଣଲୋଚନଃ ।
ତୀକ୍ଷ୍ଣଚିତ୍ତସ୍ତ୍ରୟୀରୂପସ୍ତ୍ରୟୀମୂର୍ତିସ୍ତ୍ରୟୀତନୁଃ ॥ ୪୫॥

ହବିର୍ଭୁଘବିଷାଂ ଜ୍ୟୋତିର୍ହାଲାହଲୋ ହଲୀପତିଃ ।
ହବିଷ୍ମଲ୍ଲୋଚନୋ ହାଲାମୟୋ ହରିତରୂପଭୃତ୍ ॥ ୪୬॥

ମ୍ରଦିମାଽଽମ୍ରମୟୋ ବୃକ୍ଷୋ ହୁତାଶୋ ହୁତଭୁଗ୍ଗୁଣୀ ।
ଗୁଣଜ୍ଞୋ ଗରୁଡୋ ଗାନତତ୍ପରୋ ବିକ୍ରମୀ କ୍ରମୀ ॥ ୪୭॥

କ୍ରମେଶ୍ୱରଃ କ୍ରମକରଃ କ୍ରମିକୃତ୍ କ୍ଲାନ୍ତମାନସଃ ।
ମହାତେଜା ମହାମାରୋ ମୋହିତୋ ମୋହବଲ୍ଲଭଃ ॥ ୪୮॥

ମନସ୍ୱୀ ତ୍ରିଦଶୋ ବାଲୋ ବାଲାପତିରଘାପହଃ ।
ବାଲ୍ୟୋ ରିପୁହରୋ ହାର୍ୟୋ ଗବିର୍ଗବିମତୋଽଗୁଣଃ ॥ ୪୯॥

ସଗୁଣୋ ବିତ୍ତରାଡ୍ୱୀର୍ୟୋ ବିରୋଚନୋ ବିଭାବସୁଃ ।
ମାଲାମୟୋ ମାଧବଶ୍ଚ ବିକର୍ତନୋଽବିକତ୍ଥନଃ ॥ ୫୦॥

ମାନକୃନ୍ମୁକ୍ତିଦୋଽତୁଲ୍ୟୋ ମୁଖ୍ୟଃ ଶତ୍ରୁଭୟଙ୍କରଃ ।
ହିରଣ୍ୟରେତାଃ ସୁଭଗଃ ସତୀନାଥଃ ସିରାପତିଃ ॥ ୫୧॥

ମେଢ୍ରୀ ମୈନାକଭଗିନୀପତିରୁତ୍ତମରୂପଭୃତ୍ ।
ଆଦିତ୍ୟୋ ଦିତିଜେଶାନୋ ଦିତିପୁତ୍ରକ୍ଷୟଙ୍କରଃ ॥ ୫୨॥

ବସୁଦେବୋ ମହାଭାଗ୍ୟୋ ବିଶ୍ୱାବସୁର୍ୱସୁପ୍ରିୟଃ ।
ସମୁଦ୍ରୋଽମିତତେଜାଶ୍ଚ ଖଗେନ୍ଦ୍ରୋ ବିଶିଖୀ ଶିଖୀ ॥ ୫୩॥

ଗରୁତ୍ମାନ୍ ବଜ୍ରହସ୍ତଶ୍ଚ ପୌଲୋମୀନାଥ ଈଶ୍ୱରଃ ।
ଯଜ୍ଞପେୟୋ ବାଜପେୟଃ ଶତକ୍ରତୁଃ ଶତାନନଃ ॥ ୫୪॥

ପ୍ରତିଷ୍ଠସ୍ତୀବ୍ରବିସ୍ରମ୍ଭୀ ଗମ୍ଭୀରୋ ଭାବବର୍ଧନଃ ।
ଗାୟିଷ୍ଠୋ ମଧୁରାଲାପୋ ମଧୁମତ୍ତଶ୍ଚ ମାଧବଃ ॥ ୫୫॥

ମାୟାତ୍ମା ଭୋଗିନାଂ ତ୍ରାତା ନାକିନାମିଷ୍ଟଦାୟକଃ ।
ନାକେନ୍ଦ୍ରୋ ଜନକୋ ଜନ୍ୟଃ ସ୍ତମ୍ଭନୋ ରମ୍ଭନାଶନଃ ॥ ୫୬॥

ଶଙ୍କର ଈଶ୍ୱର ଈଶଃ ଶର୍ୱରୀପତିଶେଖରଃ ।
ଲିଙ୍ଗାଧ୍ୟକ୍ଷଃ ସୁରାଧ୍ୟକ୍ଷୋ ବେଦାଧ୍ୟକ୍ଷୋ ବିଚାରକଃ ॥ ୫୭॥

ଭର୍ଗୋଽନର୍ଘ୍ୟୋ ନରେଶାନୋ ନରବାହନସେବିତଃ ।
ଚତୁରୋ ଭବିତା ଭାବୀ ଭାବଦୋ ଭବଭୀତିହା ॥ ୫୮॥

ଭୂତେଶୋ ମହିତୋ ରାମୋ ବିରାମୋ ରାତ୍ରିବଲ୍ଲଭଃ ।
ମଙ୍ଗଲୋ ଧରଣୀପୁତ୍ରୋ ଧନ୍ୟୋ ବୁଦ୍ଧିବିବର୍ଧନଃ ॥ ୫୯॥

ଜୟୀ ଜୀବେଶ୍ୱରୋ ଜାରୋ ଜାଠରୋ ଜହ୍ନୁତାପନଃ ।
ଜହ୍ନୁକନ୍ୟାଧରଃ କଲ୍ପୋ ବତ୍ସରୋ ମାସରୂପଧୃତ୍ ॥ ୬୦॥

ଋତୁରୃଭୁସୁତାଧ୍ୟକ୍ଷୋ ବିହାରୀ ବିହଗାଧିପଃ ।
ଶୁକ୍ଲାମ୍ବରୋ ନୀଲକଣ୍ଠଃ ଶୁକ୍ଲୋ ଭୃଗୁସୁତୋ ଭଗଃ ॥ ୬୧॥

ଶାନ୍ତଃ ଶିବପ୍ରଦୋଽଭେଦ୍ୟୋଽଭେଦକୃଚ୍ଛାନ୍ତକୃତ୍ ପତିଃ ।
ନାଥୋ ଦାନ୍ତୋ ଭିକ୍ଷୁରୂପୀ ଦାତୃଶ୍ରେଷ୍ଠୋ ବିଶାମ୍ପତିଃ ॥ ୬୨॥

କୁମାରଃ କ୍ରୋଧନଃ କ୍ରୋଧୀ ବିରୋଧୀ ବିଗ୍ରହୀ ରସଃ ।
ନୀରସଃ ସରସଃ ସିଦ୍ଧୋ ବୃଷଣୀ ବୃଷଘାତନଃ ॥ ୬୩॥

ପଞ୍ଚାସ୍ୟଃ ଷଣ୍ମୁଖଶ୍ଚୈବ ବିମୁଖଃ ସୁମୁଖୀପ୍ରିୟଃ ।
ଦୁର୍ମୁଖୋ ଦୁର୍ଜୟୋ ଦୁଃଖୀ ସୁଖୀ ସୁଖବିଲାସଦଃ ॥ ୬୪॥

ପାତ୍ରୀ ପୌତ୍ରୀ ପବିତ୍ରଶ୍ଚ ଭୂତାତ୍ମା ପୂତନାନ୍ତକଃ ।
ଅକ୍ଷରଂ ପରମଂ ତତ୍ତ୍ୱଂ ବଲବାନ୍ ବଲଘାତନଃ ॥ ୬୫॥

ଭଲ୍ଲୀ ଭୌଲିର୍ଭବାଭାବୋ ଭାବାଭାବବିମୋଚନଃ ।
ନାରାୟଣୋ ମୁକ୍ତକେଶୋ ଦିଗ୍ଦେବୋ ଧର୍ମନାୟକଃ ॥ ୬୬॥

କାରାମୋକ୍ଷପ୍ରଦୋଽଜେୟୋ ମହାଙ୍ଗଃ ସାମଗାୟନଃ ।
ତତ୍ସଙ୍ଗମୋ ନାମକାରୀ ଚାରୀ ସ୍ମରନିଷୂଦନଃ ॥ ୬୭॥

କୃଷ୍ଣଃ କୃଷ୍ଣାମ୍ବରଃ ସ୍ତୁତ୍ୟସ୍ତାରାବର୍ଣସ୍ତ୍ରପାକୁଲଃ ।
ତ୍ରପାବାନ୍ ଦୁର୍ଗତିତ୍ରାତା ଦୁର୍ଗମୋ ଦୁର୍ଗଘାତନଃ ॥ ୬୮॥

ମହାପାଦୋ ବିପାଦଶ୍ଚ ବିପଦାଂ ନାଶକୋ ନରଃ ।
ମହାବାହୁର୍ମହୋରସ୍କୋ ମହାନନ୍ଦପ୍ରଦାୟକଃ ॥ ୬୯॥

ମହାନେତ୍ରୋ ମହାଦାତା ନାନାଶାସ୍ତ୍ରବିଚକ୍ଷଣଃ ।
ମହାମୂର୍ଧା ମହାଦନ୍ତୋ ମହାକର୍ଣୋ ମହୋରଗଃ ॥ ୭୦॥

ମହାଚକ୍ଷୁର୍ମହାନାସୋ ମହାଗ୍ରୀବୋ ଦିଗାଲୟଃ ।
ଦିଗ୍ୱାସା ଦିତିଜେଶାନୋ ମୁଣ୍ଡୀ ମୁଣ୍ଡାକ୍ଷସୂତ୍ରଧୃତ୍ ॥ ୭୧॥

ଶ୍ମଶାନନିଲୟୋଽରାଗୀ ମହାକଟିରନୂତନଃ ।
ପୁରାଣପୁରୁଷୋଽପାରଃ ପରମାତ୍ମା ମହାକରଃ ॥ ୭୨॥

ମହାଲସ୍ୟୋ ମହାକେଶୋ ମହୋଷ୍ଠୋ ମୋହନୋ ବିରାଟ୍ ।
ମହାମୁଖୋ ମହାଜଙ୍ଘୋ ମଣ୍ଡଲୀ କୁଣ୍ଡଲୀ ନଟଃ ॥ ୭୩॥

ଅସପତ୍ନଃ ପତ୍ରକରଃ ପାତ୍ରହସ୍ତଶ୍ଚ ପାଟବଃ ।
ଲାଲସଃ ସାଲସଃ ସାଲଃ କଲ୍ପବୃକ୍ଷଶ୍ଚ କମ୍ପିତଃ ॥ ୭୪॥

କମ୍ପହା କଲ୍ପନାହାରୀ ମହାକେତୁଃ କଠୋରକଃ ।
ଅନଲଃ ପବନଃ ପାଠଃ ପୀଠସ୍ଥଃ ପୀଠରୂପକଃ ॥ ୭୫॥

ପାଟୀନଃ କୁଲିଶୀ ପୀନୋ ମେରୁଧାମା ମହାଗୁଣୀ ।
ମହାତୂଣୀରସଂୟୁକ୍ତୋ ଦେବଦାନବଦର୍ପହା ॥ ୭୬॥

ଅଥର୍ୱଶୀର୍ଷଃ ସୋମ୍ୟାସ୍ୟଃ ଋକ୍ସହସ୍ରାମିତେକ୍ଷଣଃ ।
ଯଜୁଃସାମମୁଖୋ ଗୁହ୍ୟୋ ଯଜୁର୍ୱେଦବିଚକ୍ଷଣଃ ॥ ୭୭॥

ଯାଜ୍ଞିକୋ ଯଜ୍ଞରୂପଶ୍ଚ ଯଜ୍ଞଜ୍ଞୋ ଧରଣୀପତିଃ । (ଯଜ୍ଞଘ୍ନୋ)
ଜଙ୍ଗମୀ ଭଙ୍ଗଦୋ ଭାଷାଦକ୍ଷୋଽଭିଗମଦର୍ଶନଃ ॥ ୭୮॥

ଅଗମ୍ୟଃ ସୁଗମଃ ଖର୍ୱଃ ଖେଟୀ ଖଟ୍ୱାନନୋ ନୟଃ । (ଖେଟାନନୋ)
ଅମୋଘାର୍ଥଃ ସିନ୍ଧୁପତିଃ ସୈନ୍ଧବଃ ସାନୁମଧ୍ୟଗଃ ॥ ୭୯॥

ପ୍ରତାପୀ ପ୍ରଜୟୀ ପ୍ରାତର୍ମଧ୍ୟାହ୍ନସାୟମଧ୍ୱରଃ ।
ତ୍ରିକାଲଜ୍ଞଃ ସୁଗଣକଃ ପୁଷ୍କରସ୍ଥଃ ପରୋପକୃତ୍ ॥ ୮୦॥

ଉପକର୍ତାପହର୍ତା ଚ ଘୃଣୀ ରଣଜୟପ୍ରଦଃ ।
ଧର୍ମୀ ଚର୍ମାମ୍ବରଶ୍ଚାରୁରୂପଶ୍ଚାରୁବିଶୋଷଣଃ ॥ ୮୧॥

ନକ୍ତଞ୍ଚରଃକାଲବଶୀ ବଶୀ ବଶିବରୋଽବଶଃ ।
ବଶ୍ୟୋ ବଶ୍ୟକରୋ ଭସ୍ମଶାୟୀ ଭସ୍ମବିଲେପନଃ ॥ ୮୨॥

ଭସ୍ମାଙ୍ଗୀ ମଲିନାଙ୍ଗଶ୍ଚ ମାଲାମଣ୍ଡିତମୂର୍ଧଜଃ ।
ଗଣକାର୍ୟଃ କୁଲାଚାରଃ ସର୍ୱାଚାରଃ ସଖା ସମଃ ॥ ୮୩॥

ସୁକୁରୋ ଗୋତ୍ରଭିଦ୍ଗୋପ୍ତା ଭୀମରୂପୋ ଭୟାନକଃ । (ମକରୋ)
ଅରୁଣଶ୍ଚୈକଚିନ୍ତ୍ୟଶ୍ଚ ତ୍ରିଶଙ୍କୁଃ ଶଙ୍କୁଧାରଣଃ ॥ ୮୪॥

ଆଶ୍ରମୀ ବ୍ରାହ୍ମଣୋ ବଜ୍ରୀ କ୍ଷତ୍ରିୟଃ କାର୍ୟହେତୁକଃ ।
ବୈଶ୍ୟଃ ଶୂଦ୍ରଃ କପୋତସ୍ଥଃ ତ୍ୱଷ୍ଟା ତୁଷ୍ଟୋ ରୁଷାକୁଲଃ ॥ ୮୫॥

ରୋଗୀ ରୋଗାପହଃ ଶୂରଃ କପିଲଃ କପିନାୟକଃ ।
ପିନାକୀ ଚାଷ୍ଟମୂର୍ତିଶ୍ଚ କ୍ଷିତିମାନ୍ ଧୃତିମାଂସ୍ତଥା ॥ ୮୬॥

ଜଲମୂର୍ତିର୍ୱାୟୁମୂର୍ତିର୍ହୁତାଶଃ ସୋମମୂର୍ତିମାନ୍ ।
ସୂର୍ୟଦେବୋ ଯଜମାନ ଆକାଶଃ ପରମେଶ୍ୱରଃ ॥ ୮୭॥

ଭବହା ଭବମୂର୍ତିଶ୍ଚ ଭୂତାତ୍ମା ଭୂତଭାବନଃ ।
ଭବଃ ଶର୍ୱସ୍ତଥା ରୁଦ୍ରଃ ପଶୁନାଥଶ୍ଚ ଶଙ୍କରଃ ॥ ୮୮॥

ଗିରିଜୋ ଗିରିଜାନାଥୋ ଗିରୀନ୍ଦ୍ରଶ୍ଚ ମହେଶ୍ୱରଃ ।
ଗିରୀଶଃ ଖଣ୍ଡହସ୍ତଶ୍ଚ ମହାନୁଗ୍ରୋ ଗଣେଶ୍ୱରଃ ॥ ୮୯॥

ଭୀମଃ କପର୍ଦୀ ଭୀତିଜ୍ଞଃ ଖଣ୍ଡପଶ୍ଚଣ୍ଡବିକ୍ରମଃ ।
ଖଡ୍ଗଭୃତ୍ ଖଣ୍ଡପରଶୁଃ କୃତ୍ତିବାସା ବିଷାପହଃ ॥ ୯୦॥

କଙ୍କାଲଃ କଲନାକାରଃ ଶ୍ରୀକଣ୍ଠୋ ନୀଲଲୋହିତଃ ।
ଗଣେଶ୍ୱରୋ ଗୁଣୀ ନନ୍ଦୀ ଧର୍ମରାଜୋ ଦୁରନ୍ତକଃ ॥ ୯୧॥

ଭୃଙ୍ଗୀରିଟିଃ ରସାସାରୋ ଦୟାଲୂ ରୂପମଣ୍ଡିତଃ ।
ଅମୃତଃ କାଲରୁଦ୍ରଶ୍ଚ କାଲାଗ୍ନିଃ ଶଶିଶେଖରଃ ॥ ୯୨॥

ସଦ୍ୟୋଜାତଃ ସ୍ୱର୍ଣମୁଞ୍ଜମେଖଲୀ ଦୁର୍ନିମିତ୍ତହୃତ୍ ।
ଦୁଃସ୍ୱପ୍ନହୃତ୍ ପ୍ରସହନୋ ଗୁଣିନାଦପ୍ରତିଷ୍ଠିତଃ ॥ ୯୩॥

ଶୁକ୍ଲସ୍ତ୍ରିଶୁକ୍ଲଃ ସମ୍ପନ୍ନଃ ଶୁଚିର୍ଭୂତନିଷେବିତଃ ।
ଯଜ୍ଞରୂପୋ ଯଜ୍ଞମୁଖୋ ଯଜମାନେଷ୍ଟଦଃ ଶୁଚିଃ ॥ ୯୪॥

ଧୃତିମାନ୍ ମତିମାନ୍ ଦକ୍ଷୋ ଦକ୍ଷୟଜ୍ଞବିଘାତକଃ ।
ନାଗହାରୀ ଭସ୍ମଧାରୀ ଭୂତିଭୂଷିତବିଗ୍ରହଃ ॥ ୯୫॥

କପାଲୀ କୁଣ୍ଡଲୀ ଭର୍ଗଃ ଭକ୍ତାର୍ତିଭଞ୍ଜନୋ ବିଭୁଃ ।
ବୃଷଧ୍ୱଜୋ ବୃଷାରୂଢୋ ଧର୍ମବୃଷବିବର୍ଧକଃ ॥ ୯୬॥

ମହାବଲଃ ସର୍ୱତୀର୍ଥଃ ସର୍ୱଲକ୍ଷଣଲକ୍ଷିତଃ ।
ସହସ୍ରବାହୁଃ ସର୍ୱାଙ୍ଗଃ ଶରଣ୍ୟଃ ସର୍ୱଲୋକକୃତ୍ ॥ ୯୭॥

ପବିତ୍ରସ୍ତ୍ରିକକୁନ୍ମନ୍ତ୍ରଃ କନିଷ୍ଠଃ କୃଷ୍ଣପିଙ୍ଗଲଃ ।
ବ୍ରହ୍ମଦଣ୍ଡବିନିର୍ମାତା ଶତଘ୍ନୀପାଶଶକ୍ତିମାନ୍ ॥ ୯୮॥

ପଦ୍ମଗର୍ଭୋ ମହାଗର୍ଭୋ ବ୍ରହ୍ମଗର୍ଭୋ ଜଲୋଦ୍ଭବଃ ।
ଦେବାସୁରବିନିର୍ମାତା ଦେବାସୁରପରାୟଣଃ ॥ ୯୯॥

ଦେବାସୁରଗୁରୁର୍ଦେବୋ ଦେବାସୁରନମସ୍କୃତଃ ।
ଗୁହପ୍ରିୟୋ ଗଣସେବ୍ୟଃ ପବିତ୍ରଃ ସର୍ୱପାବନଃ ॥ ୧୦୦॥

ଲଲାଟାକ୍ଷୋ ବିଶ୍ୱଦେବୋ ଦମନଃ ଶ୍ୱେତପିଙ୍ଗଲଃ ।
ବିମୁକ୍ତିର୍ମୁକ୍ତିତେଜସ୍କୋ ଭକ୍ତାନାଂ ପରମା ଗତିଃ ॥ ୧୦୧॥

ଦେବାତିଦେବୋ ଦେବର୍ଷିର୍ଦେବାସୁରବରପ୍ରଦଃ ।
କୈଲାସଗିରିବାସୀ ଚ ହିମବଦ୍ଗିରିସଂଶ୍ରୟଃ ॥ ୧୦୨॥

ନାଥପୂଜ୍ୟଃ ସିଦ୍ଧନୃତ୍ୟୋ ନବନାଥସମର୍ଚିତଃ ।
କପର୍ଦୀ କଲ୍ପକୃଦ୍ରୁଦ୍ରଃ ସୁମନା ଧର୍ମବତ୍ସଲଃ ॥ ୧୦୩॥

ବୃଷାକପିଃ କଲ୍ପକର୍ତା ନିୟତାତ୍ମା ନିରାକୁଲଃ ।
ନୀଲକଣ୍ଠୋ ଧନାଧ୍ୟକ୍ଷୋ ନାଥଃ ପ୍ରମଥନାୟକଃ ॥ ୧୦୪॥

ଅନାଦିରନ୍ତରହିତୋ ଭୂତିଦୋ ଭୂତିବିଗ୍ରହଃ ।
ସେନାକଲ୍ପୋ ମହାକଲ୍ପୋ ଯୋଗୋ ଯୁଗକରୋ ହରିଃ ॥ ୧୦୫॥

ଯୁଗରୂପୋ ମହାରୂପୋ ମହାଗୀତୋ ମହାଗୁଣଃ ।
ବିସର୍ଗୋ ଲିଙ୍ଗରୂପଶ୍ଚ ପବିତ୍ରଃ ପାପନାଶନଃ ॥ ୧୦୬॥

ଈଡ୍ୟୋ ମହେଶ୍ୱରଃ ଶମ୍ଭୁର୍ଦେବସିଂହୋ ନରର୍ଷଭଃ ।
ବିବୁଧୋଽଗ୍ରବରଃ ସୂକ୍ଷ୍ମଃ ସର୍ୱଦେବସ୍ତପୋମୟଃ ॥ ୧୦୭॥

ସୁୟୁକ୍ତଃ ଶୋଭନୋ ବଜ୍ରୀ ଦେବାନାଂ ପ୍ରଭବୋଽବ୍ୟଯଃ ।
ଗୁହଃ କାନ୍ତୋ ନିଜସର୍ଗଃ ପବିତ୍ରଃ ସର୍ୱପାବନଃ ॥ ୧୦୮॥

ଶୃଙ୍ଗୀ ଶୃଙ୍ଗପ୍ରିୟୋ ବଭ୍ରୂ ରାଜରାଜୋ ନିରାମୟଃ ।
ଦେବାସୁରଗଣାଧ୍ୟକ୍ଷୋ ନିୟମେନ୍ଦ୍ରିୟବର୍ଧନଃ ॥ ୧୦୯॥

ତ୍ରିପୁରାନ୍ତକ ଶ୍ରୀକଣ୍ଠସ୍ତ୍ରିନେତ୍ରଃ ପଞ୍ଚବକ୍ତ୍ରକଃ । (ଈଶାନସ୍ତ୍ରିନେତ୍ରଃ)
କାଲହୃତ୍ କେବଲାତ୍ମା ଚ ଋଗ୍ୟଜୁଃସାମବେଦବାନ୍ ॥ ୧୧୦॥

ଈଶାନଃ ସର୍ୱଭୂତାନାମୀଶ୍ୱରଃ ସର୍ୱରକ୍ଷସାମ୍ ।
ବ୍ରହ୍ମଣୋଽଧିପତିର୍ବ୍ରହ୍ମ ବ୍ରହ୍ମଣୋଽଧିପତିସ୍ତଥା ॥ ୧୧୧॥

ବ୍ରହ୍ମା ଶିବଃ ସଦାନନ୍ଦୀ ସଦାନନ୍ଦଃ ସଦାଶିବଃ ।
ମେଷସ୍ୱରୂପଶ୍ଚାର୍ୱଙ୍ଗୋ ଗାୟତ୍ରୀରୂପଧାରଣଃ ॥ ୧୧୨॥

ଅଘୋରେଭ୍ୟୋଽଥ ଘୋରେଭ୍ୟୋ ଘୋରଘୋରତରାୟ ଚ ।
ସର୍ୱତଃ ସର୍ୱସର୍ୱେଭ୍ୟୋ ନମସ୍ତେ ରୁଦ୍ରରୂପିଣେ ॥ ୧୧୩॥

ବାମଦେବସ୍ତଥା ଜ୍ୟେଷ୍ଠଃ ଶ୍ରେଷ୍ଠଃ କାଲକରାଲକଃ ।
ମହାକାଲୋ ଭୈରବେଶୋ ବେଶୀ କଲବିକାରଣଃ ॥ ୧୧୪॥

ବଲବିକାରଣୋ ବାଲୋ ବଲପ୍ରମଥନସ୍ତଥା ।
ସର୍ୱଭୂତାଦିଦମନୋ ଦେବଦେବୋ ମନୋନ୍ମନଃ ॥ ୧୧୫॥

ସଦ୍ୟୋଜାତଂ ପ୍ରପଦ୍ୟାମି ସଦ୍ୟୋଜାତାୟ ବୈ ନମଃ ।
ଭବେ ଭବେ ନାତିଭବେ ଭବସ୍ୱ ମାଂ ଭବୋଦ୍ଭବ ॥ ୧୧୬॥

ଭାବନୋ ଭବନୋ ଭାବ୍ୟୋ ବଲକାରୀ ପରଂ ପଦମ୍ ।
ପରଃ ଶିବଃ ପରୋ ଧ୍ୟେୟଃ ପରଂ ଜ୍ଞାନଂ ପରାତ୍ପରଃ ॥ ୧୧୭॥

ପରାବରଃ ପଲାଶୀ ଚ ମାଂସାଶୀ ବୈଷ୍ଣବୋତ୍ତମଃ ।
ଓଁ ଐଂ ହ୍ରୀଂ ଶ୍ରୀଂ ହ୍ସୌଃ ଦେବୋ ଓଁ ଶ୍ରୀଂ ହୌଂ ଭୈରବୋତ୍ତମଃ ॥ ୧୧୮॥

ଓଁ ହ୍ରାଂ ନମଃ ଶିବାୟେତି ମନ୍ତ୍ରୋ ବଟୁବରାୟୁଧଃ ।
ଓଁ ହ୍ରୀଂ ସଦାଶିବଃ ଓଁ ହ୍ରୀଂ ଆପଦୁଦ୍ଧାରଣୋ ମନୁଃ ॥ ୧୧୯॥

ଓଁ ହ୍ରୀଂ ମହାକରାଲାସ୍ୟଃ ଓଁ ହ୍ରୀଂ ବଟୁକଭୈରବଃ ।
ଭଗବାଂସ୍ତ୍ର୍ୟମ୍ବକ ଓଁ ହ୍ରୀଂ ଓଁ ହ୍ରୀଂ ଚନ୍ଦ୍ରାର୍ଧଶେଖରଃ ॥ ୧୨୦॥

ଓଁ ହ୍ରୀଂ ସଂ ଜଟିଲୋ ଧୂମ୍ରୋ ଓଁ ହ୍ରୀଂ ତ୍ରିପୁରଘାତକଃ ।
ହ୍ରାଂ ହ୍ରୀଂ ହ୍ରୂଂ ହରିବାମାଙ୍ଗ ଓଁ ହ୍ରୀଂ ହ୍ରୂଂ ହ୍ରୀଂ ତ୍ରିଲୋଚନଃ ॥ ୧୨୧॥

ଓଁ ବେଦରୂପୋ ବେଦଜ୍ଞ ଋଗ୍ୟଜୁଃସାମମୂର୍ତିମାନ୍ ।
ରୁଦ୍ରୋ ଘୋରରବୋଽଘୋରୋ ଓଁ କ୍ଷ୍ମ୍ୟୂଂ ଅଘୋରଭୈରବଃ ॥ ୧୨୨॥

ଓଂଜୁଂ ସଃ ପୀୟୂଷସକ୍ତୋଽମୃତାଧ୍ୟକ୍ଷୋଽମୃତାଲସଃ ।
ଓଁ ତ୍ର୍ୟମ୍ବକଂ ଯଜାମହେ ସୁଗନ୍ଧିଂ ପୁଷ୍ଟିବର୍ଧନମ୍ ॥ ୧୨୩॥

ଉର୍ୱାରୁକମିବ ବନ୍ଧନାନ୍ମୃତ୍ୟୋର୍ମୁକ୍ଷୀୟ ମାଽମୃତାତ୍ ।
ଓଁ ହୌଂ ଜୂଂ ସଃ ଓଁଭୂର୍ଭୁବଃ ସ୍ୱଃ ଓଁଜୂଂସଃ ମୃତ୍ୟୁଞ୍ଜୟଃ ।
(ପାତୁ ମାଂ ସର୍ୱଦେବେଶୋ ମୃତ୍ୟୁଞ୍ଜୟଃ ସଦାଶିବଃ ॥ ୧୨୪॥)

ଇଦଂ ନାମ୍ନାଂ ସହସ୍ରଂ ତୁ ରହସ୍ୟଂ ପରମାଦ୍ଭୁତମ୍ ।
ସର୍ୱସ୍ୱଂ ନାକିନାଂ ଦେବି ଜନ୍ତୂନାଂ ଭୁବି କା କଥା ॥ ୧୨୫॥

ତବ ଭକ୍ତ୍ୟା ମୟାଽଽଖ୍ୟାତଂ ତ୍ରିଷୁ ଲୋକେଷୁ ଦୁର୍ଲଭମ୍ ।
ଗୋପ୍ୟଂ ସହସ୍ରନାମେଦଂ ସାକ୍ଷାଦମୃତରୂପକମ୍ ॥ ୧୨୬॥

ଯଃ ପଠେତ୍ ପାଠୟେଦ୍ୱାପି ଶ୍ରାବୟେଚ୍ଛୃଣୁୟାତ୍ ତଥା ।
ମୃତ୍ୟୁଞ୍ଜୟସ୍ୟ ଦେବସ୍ୟ ଫଲଂ ତସ୍ୟ ଶିବେ ଶୃଣୁ ॥ ୧୨୭॥

ଲକ୍ଷ୍ମ୍ୟା କୃଷ୍ଣୋ ଧିୟା ଜୀବୋ ପ୍ରତାପେନ ଦିବାକରଃ ।
ତେଜସା ବହ୍ନିଦେବସ୍ତୁ କବିତ୍ୱେ ଚୈବ ଭାର୍ଗବଃ ॥ ୧୨୮॥

ଶୌର୍ୟେଣ ହରିସଙ୍କାଶୋ ନୀତ୍ୟଂ ଦ୍ରୁହିଣସନ୍ନିଭଃ ।
ଈଶ୍ୱରତ୍ୱେନ ଦେବେଶି ମତ୍ସମଃ କିମତଃପରମ୍ ॥ ୧୨୯॥

ଯଃ ପଠେଦର୍ଧରାତ୍ରେ ଚ ସାଧକୋ ଧୈର୍ୟସଂୟୁତଃ ।
ପଠେତ୍ ସହସ୍ରନାମେଦଂ ସିଦ୍ଧିମାପ୍ନୋତି ସାଧକଃ ॥ ୧୩୦॥

ଚତୁଷ୍ପଥେ ଚୈକଲିଙ୍ଗେ ମରୁଦେଶେ ବନେଽଜନେ ।
ଶ୍ମଶାନେ ପ୍ରାନ୍ତରେ ଦୁର୍ଗେ ପାଠାତ୍ ସିଦ୍ଧିର୍ନ ସଂଶୟଃ ॥ ୧୩୧॥

ନୌକାୟାଂ ଚୌରସଙ୍ଘେ ଚ ସଙ୍କଟେ ପ୍ରାଣସଙ୍କ୍ଷୟେ ।
ଯତ୍ର ଯତ୍ର ଭୟେ ପ୍ରାପ୍ତେ ବିଷବହ୍ନିଭୟାଦିଷୁ ॥ ୧୩୨॥

ପଠେତ୍ ସହସ୍ରନାମାଶୁ ମୁଚ୍ୟତେ ନାତ୍ର ସଂଶୟଃ ।
ଭୌମାବସ୍ୟାଂ ନିଶୀଥେ ଚ ଗତ୍ୱା ପ୍ରେତାଲୟଂ ସୁଧୀଃ ॥ ୧୩୩॥

ପଠିତ୍ୱା ସ ଭବେଦ୍ଦେବି ସାକ୍ଷାଦିନ୍ଦ୍ରୋଽର୍ଚିତଃ ସୁରୈଃ ।
ଶନୌ ଦର୍ଶଦିନେ ଦେବି ନିଶାୟାଂ ସରିତସ୍ତଟେ ॥ ୧୩୪॥

ପଠେନ୍ନାମସହସ୍ରଂ ବୈ ଜପେଦଷ୍ଟୋତ୍ତରଂ ଶତମ୍ ।
ସୁଦର୍ଶନୋ ଭବେଦାଶୁ ମୃତ୍ୟୁଞ୍ଜୟପ୍ରସାଦତଃ ॥ ୧୩୫॥

ଦିଗମ୍ବରୋ ମୁକ୍ତକେଶଃ ସାଧକୋ ଦଶଧା ପଠେତ୍ ।
ଇହ ଲୋକେ ଭବେଦ୍ରାଜା ପରେ ମୁକ୍ତିର୍ଭବିଷ୍ୟତି ॥ ୧୩୬॥

ଇଦଂ ରହସ୍ୟଂ ପରମଂ ଭକ୍ତ୍ୟା ତବ ମୟୋଦିତମ୍ ।
ମନ୍ତ୍ରଗର୍ଭଂ ମନୁମୟଂ ନ ଚାଖ୍ୟେୟଂ ଦୁରାତ୍ମନେ ॥ ୧୩୭॥

ନୋ ଦଦ୍ୟାତ୍ ପରଶିଷ୍ୟେଭ୍ୟଃ ପୁତ୍ରେଭ୍ୟୋଽପି ବିଶେଷତଃ ।
ରହସ୍ୟଂ ମମ ସର୍ୱସ୍ୱଂ ଗୋପ୍ୟଂ ଗୁପ୍ତତରଂ କଲୌ ॥ ୧୩୮॥

ଷଣ୍ମୁଖସ୍ୟାପି ନୋ ବାଚ୍ୟଂ ଗୋପନୀୟଂ ତଥାତ୍ମନଃ ।
ଦୁର୍ଜନାଦ୍ରକ୍ଷଣୀୟଂ ଚ ପଠନୀୟମହର୍ନିଶମ୍ ॥ ୧୩୯॥

ଶ୍ରୋତବ୍ୟଂ ସାଧକମୁଖାଦ୍ରକ୍ଷଣୀୟଂ ସ୍ୱପୁତ୍ରବତ୍ ।

॥ ଇତି ଶ୍ରୀରୁଦ୍ରୟାମଲେ ତନ୍ତ୍ରେ ଶ୍ରୀଦେବୀରହସ୍ୟେ
ମୃତ୍ୟୁଞ୍ଜୟସହସ୍ରନାମଂ ସମ୍ପୂର୍ଣମ୍ ॥

Similar Posts

Leave a Reply

Your email address will not be published. Required fields are marked *