Last Updated on April 20, 2021
કાલભૈરવાષ્ટકમ્ : read kalabhairavashtakam lyrics in gujarati
દેવરાજસેવ્યમાનપાવનાઙ્ઘ્રિપઙ્કજં
વ્યાલયજ્ઞસૂત્રમિન્દુશેખરં કૃપાકરમ્ |
નારદાદિયોગિબૃન્દવન્દિતં દિગમ્બરં
કાશિકાપુરાધિનાથકાલભૈરવં ભજે || ૧ ||
ભાનુકોટિભાસ્વરં ભવાબ્ધિતારકં પરં
નીલકણ્ઠમીપ્સિતાર્થદાયકં ત્રિલોચનમ્ |
કાલકાલમમ્બુજાક્ષમસ્તશૂન્યમક્ષરં
કાશિકાપુરાધિનાથકાલભૈરવં ભજે || ૨ ||
શૂલટઙ્કપાશદણ્ડપાણિમાદિકારણં
શ્યામકાયમાદિદેવમક્ષરં નિરામયમ્ |
ભીમવિક્રમં પ્રભું વિચિત્રતાણ્ડવપ્રિયં
કાશિકાપુરાધિનાથકાલભૈરવં ભજે || ૩ ||
ભુક્તિમુક્તિદાયકં પ્રશસ્તચારુવિગ્રહં
ભક્તવત્સલં સ્થિરં સમસ્તલોકવિગ્રહમ્ |
નિક્વણન્મનોજ્ઞહેમકિઙ્કિણીલસત્કટિં
કાશિકાપુરાધિનાથકાલભૈરવં ભજે || ૪ ||
ધર્મસેતુપાલકં ત્વધર્મમાર્ગનાશકં
કર્મપાશમોચકં સુશર્મદાયકં વિભુમ્ |
સ્વર્ણવર્ણકેશપાશશોભિતાઙ્ગનિર્મલં
કાશિકાપુરાધિનાથકાલભૈરવં ભજે || ૫ ||
રત્નપાદુકાપ્રભાભિરામપાદયુગ્મકં
નિત્યમદ્વિતીયમિષ્ટદૈવતં નિરઞ્જનમ્ |
મૃત્યુદર્પનાશનં કરાલદંષ્ટ્રભૂષણં
કાશિકાપુરાધિનાથકાલભૈરવં ભજે || ૬ ||
અટ્ટહાસભિન્નપદ્મજાણ્ડકોશસન્તતિં
દૃષ્ટિપાતનષ્ટપાપજાલમુગ્રશાસનમ્ |
અષ્ટસિદ્ધિદાયકં કપાલમાલિકાધરં
કાશિકાપુરાધિનાથકાલભૈરવં ભજે || ૭ ||
ભૂતસઙ્ઘનાયકં વિશાલકીર્તિદાયકં
કાશિવાસિલોકપુણ્યપાપશોધકં વિભુમ્ |
નીતિમાર્ગકોવિદં પુરાતનં જગત્પતિં
કાશિકાપુરાધિનાથકાલભૈરવં ભજે || ૮ ||
કાલભૈરવાષ્ટકં પઠન્તિ યે મનોહરં
જ્ઞાનમુક્તિસાધકં વિચિત્રપુણ્યવર્ધનમ્ |
શોકમોહલોભદૈન્યકોપતાપનાશનં
તે પ્રયાન્તિ કાલભેરવાઙ્ઘ્રિસન્નિધિં ધ્રુવમ્ || ૯ ||
|| કાલભૈરવાષ્ટકં સમ્પૂર્ણમ્ ||
