jagannatha

ଶ୍ରୀଜଗନ୍ନାଥାଷ୍ଟକମ୍~ Sri jagannathastakam odia

Last Updated on April 25, 2021 

ଶ୍ରୀଜଗନ୍ନାଥାଷ୍ଟକମ୍: Read sri jagannathastakam odia with lyrics (save as pdf)

କଦାଚି ତ୍କାଳିଂଦୀ ତଟଵିପିନସଂଗୀତକପରୋ
ମୁଦା ଗୋପୀନାରୀ ଵଦନକମଲାସ୍ଵାଦମଧୁପଃ
ରମାଶଂଭୁବ୍ରହ୍ମା ମରପତିଗଣେଶାର୍ଚିତପଦୋ
ଜଗନ୍ନାଥଃ ସ୍ଵାମୀ ନଯନପଥଗାମୀ ଭଵତୁ ମେ ॥ ୧ ॥

ଭୁଜେ ସଵ୍ଯେ ଵେଣୁଂ ଶିରସି ଶିଖିପିଂଛଂ କଟିତଟେ
ଦୁକୂଲଂ ନେତ୍ରାଂତେ ସହଚର କଟାକ୍ଷଂ ଵିଦଧତେ
ସଦା ଶ୍ରୀମଦ୍ବୃଂଦା ଵନଵସତିଲୀଲାପରିଚଯୋ
ଜଗନ୍ନାଥଃ ସ୍ଵାମୀ ନଯନପଥଗାମୀ ଭଵତୁ ମେ ॥ ୨ ॥

ମହାମ୍ଭୋଧେସ୍ତୀରେ କନକରୁଚିରେ ନୀଲଶିଖରେ
ବସନ୍ ପ୍ରାସାଦାନ୍ତସ୍ସହଜବଲଭଦ୍ରେଣ ବଲିନା ।
ସୁଭଦ୍ରାମଧ୍ୟସ୍ଥସ୍ସକଲସୁରସେବାବସରଦୋ
ଜଗନ୍ନାଥଃ ସ୍ୱାମୀ ନୟନପଥଗାମୀ ଭବତୁ ମେ ॥ ୩ ॥

କଥାପାରାଵାରା ସ୍ସଜଲଜଲଦଶ୍ରେଣିରୁଚିରୋ
ରମାଵାଣୀସୌମ ସ୍ସୁରଦମଲପଦ୍ମୋଦ୍ଭଵମୁଖୈଃ
ସୁରେଂଦ୍ରୈ ରାରାଧ୍ଯଃ ଶ୍ରୁତିଗଣଶିଖାଗୀତଚରିତୋ
ଜଗନ୍ନାଥଃ ସ୍ଵାମୀ ନଯନପଥଗାମୀ ଭଵତୁ ମେ ॥ ୪ ॥

ରଥାରୂଢୋ ଗଚ୍ଛନ୍ ପଥି ମିଲିତଭୂଦେବପଟଲୈଃ
ସ୍ତୁତିପ୍ରାଦୁର୍ଭାବଂ ପ୍ରତିପଦ ମୁପାକର୍ଣ୍ୟ ସଦୟଃ ।
ଦୟାସିନ୍ଧୁର୍ବନ୍ଧୁସ୍ସକଲଜଗତା ସିନ୍ଧୁସୁତୟା
ଜଗନ୍ନାଥଃ ସ୍ୱାମୀ ନୟନପଥଗାମୀ ଭବତୁ ମେ ॥ ୫ ॥

ପରବ୍ରହ୍ମାପୀଡଃ କୁବଲୟଦଲୋତ୍ଫୁଲ୍ଲନୟନୋ
ନିବାସୀ ନୀଲାଦ୍ରୌ ନିହିତଚରଣୋଽନନ୍ତଶିରସି ।
ରସାନନ୍ଦୋ ରାଧାସରସବପୁରାଲିଙ୍ଗନସଖୋ
ଜଗନ୍ନାଥଃ ସ୍ୱାମୀ ନୟନପଥଗାମୀ ଭବତୁ ମେ ॥ ୬ ॥

ନ ବୈ ପ୍ରାର୍ଥ୍ୟଂ ରାଜ୍ୟଂ ନ ଚ କନକତାଂ ଭୋଗବିଭବଂ
ନ ଯାଚେଽହଂ ରମ୍ୟାଂ ନିଖିଲଜନକାମ୍ୟାଂ ବରବଧୂଂ ।
ସଦା କାଲେ କାଲେ ପ୍ରମଥପତିନା ଗୀତଚରିତୋ
ଜଗନ୍ନାଥଃ ସ୍ୱାମୀ ନୟନପଥଗାମୀ ଭବତୁ ମେ ॥ ୭ ॥

ହର ତ୍ୱଂ ସଂସାରଂ ଦ୍ରୁତତରମସାରଂ ସୁରପତେ
ହର ତ୍ୱଂ ପାପାନାଂ ବିତତିମପରାଂ ଯାଦବପତେ ।
ଅହୋ ଦୀନାନାଥଂ ନିହିତମଚଲଂ ନିଶ୍ଚିତପଦଂ
ଜଗନ୍ନାଥଃ ସ୍ୱାମୀ ନୟନପଥଗାମୀ ଭବତୁ ମେ ॥ ୮ ॥

ଇତି ଶ୍ରୀମଦ୍ ଶଙ୍କରାଚାର୍ୟପ୍ରଣୀତଂ ଜଗନ୍ନାଥାଷ୍ଟକଂ ସମ୍ପୂର୍ଣଂ॥

Similar Posts

Leave a Reply

Your email address will not be published. Required fields are marked *