Vishnu

ଦଶାବତାର ପ୍ରଶଂସା କର |~ dashavatara stotra lyrics in odia (Oriya) pdf

Last Updated on April 21, 2021 

ଦଶାବତାର ପ୍ରଶଂସା କର | : read dashavatara stotra in Odia (Oriya) with lyrics. You can save or download as pdf format.

ପ୍ରଲୟପୟୋଧିଜଲେ ଧୃତବାନସି ବେଦଂ, ବିହିତବହିତ୍ରଚରିତ୍ରମଖେଦମ୍ ।
କେଶବ ଧୃତମୀନଶରୀର, ଜୟ ଜଗଦୀଶ ହରେ ॥ ୧॥

କ୍ଷିତିରତିବିପୁଲତରେ ତବ ତିଷ୍ଠତି ପୃଷ୍ଠେ,
ଧରଣିଧରଣକିଣଚକ୍ରଗରିଷ୍ଠେ ।
କେଶବ ଧୃତକଚ୍ଛପରୂପ ଜୟ ଜଗଦୀଶ ହରେ ॥ ୨॥

ବସତି ଦଶନଶିଖରେ ଧରଣୀ ତବ ଲଗ୍ନା,
ଶଶିନି କଲଙ୍କକଲେବ ନିମଗ୍ନା ।
କେଶବ ଧୃତସୂକରରୂପ, ଜୟ ଜଗଦୀଶ ହରେ ॥ ୩॥

ତବ କରକମଲବରେ ନଖମଦ୍ଭୁତଶୃଙ୍ଗଂ,
ଦଲିତ ହିରଣ୍ୟକଶିପୁତନୁଭୃଙ୍ଗମ୍ ।
କେଶବ ଧୃତନରହରିରୂପ, ଜୟ ଜଗଦୀଶ ହରେ ॥ ୪॥

ଛଲୟସି ବିକ୍ରମଣେ ବଲିମଦ୍ଭୁତବାମନ,
ପଦନଖନୀରଜନିତଜନପାବନ ।
କେଶବ ଧୃତବାମନରୂପ, ଜୟ ଜଗଦୀଶ ହରେ ॥ ୫॥

କ୍ଷତ୍ରିୟରୁଧିରମୟେ ଜଗଦପଗତପାପଂ,
ସ୍ନପୟସି ପୟସି ଶମିତଭବତାପମ୍ ।
କେଶବ ଧୃତଭୃଗୁପତିରୂପ, ଜୟ ଜଗଦୀଶ ହରେ ॥ ୬॥

ବିତରସି ଦିକ୍ଷୁ ରଣେ ଦିକ୍ପତିକମନୀୟଂ,
ଦଶମୁଖମୌଲିବଲିଂ ରମଣୀୟମ୍ ।
କେଶବ ଧୃତରାମଶରୀର, ଜୟ ଜଗଦୀଶ ହରେ ॥ ୭॥

ବହସି ବିପୁଷି ବିଶଦେ ବସନଂ ଜଲଦାଭଂ,
ହଲହତିଭୀତିମିଲିତୟମୁନାଭମ୍ ।
କେଶବ ଧୃତହଲଧରରୂପ, ଜୟ ଜଗଦୀଶ ହରେ ॥ ୮॥

ନିନ୍ଦସି ଯଜ୍ଞବିଧେରହହ ଶ୍ରୁତିଜାତଂ,
ସଦୟହୃଦୟଦର୍ଶିତପଶୁଘାତମ୍ ।
କେଶବ ଧୃତବୁଦ୍ଧଶରୀର, ଜୟ ଜଗଦୀଶ ହରେ ॥ ୯॥

ମ୍ଲେଚ୍ଛନିବହନିଧନେ କଲୟସି କରବାଲଂ,
ଧୂମକେତୁମିବ କମପି କରାଲମ୍ ।
କେଶବ ଧୃତକଲ୍କିଶରୀର, ଜୟ ଜଗଦୀଶ ହରେ ॥ ୧୦॥

ଶ୍ରୀଜୟଦେବକବେରିଦମୁଦିତମୁଦାରଂ,
ଶୃଣୁ ସୁଖଦଂ ଶୁଭଦଂ ଭବସାରମ୍ ।
କେଶବ ଧୃତଦଶବିଧରୂପ, ଜୟ ଜଗଦୀଶ ହରେ ॥ ୧୧॥

ବେଦାନୁଦ୍ଧରତେ ଜଗନ୍ନିବହତେ ଭୂଗୋଲମୁଦ୍ବିଭ୍ରତେ
ଦୈତ୍ୟଂ ଦାରୟତେ ବଲିଂ ଛଲୟତେ କ୍ଷତ୍ରକ୍ଷୟଂ କୁର୍ୱତେ ।
ପୌଲସ୍ତ୍ୟଂ ଜୟତେ ହଲଂ କଲୟତେ କାରୁଣ୍ୟମାତନ୍ୱତେ
ମ୍ଲେଚ୍ଛାନ୍ ମୂର୍ଚ୍ଛୟତେ ଦଶାକୃତିକୃତେ କୃଷ୍ଣାୟ ତୁଭ୍ୟଂ ନମଃ ॥ ୧୨॥

ଇତି ଜୟଦେବକବିକୃତଃ ଦଶାବତାରସ୍ତବଃ ସମ୍ପୂର୍ଣଃ ।

Similar Posts

Leave a Reply

Your email address will not be published. Required fields are marked *