Dhanvantari | Vishnu

ଅମୃତସଞ୍ଜୀବନ ଧନ୍ୱନ୍ତରିସ୍ତୋତ୍ରମ୍~ amrita sanjeevani dhanvantari stotram in odia

Last Updated on April 21, 2021 

Reas amrita sanjeevani dhanvantari stotram in odia with lyrics(save as pdf) ଅମୃତସଞ୍ଜୀବନ ଧନ୍ୱନ୍ତରିସ୍ତୋତ୍ରମ୍:

ନମୋ ନମୋ ବିଶ୍ୱବିଭାବନାୟ
ନମୋ ନମୋ ଲୋକସୁଖପ୍ରଦାୟ ।
ନମୋ ନମୋ ବିଶ୍ୱସୃଜେଶ୍ୱରାୟ
ନମୋ ନମୋ ନମୋ ମୁକ୍ତିବରପ୍ରଦାୟ ॥ ୧॥

ନମୋ ନମସ୍ତେଽଖିଲଲୋକପାୟ
ନମୋ ନମସ୍ତେଽଖିଲକାମଦାୟ ।
ନମୋ ନମସ୍ତେଽଖିଲକାରଣାୟ
ନମୋ ନମସ୍ତେଽଖିଲରକ୍ଷକାୟ ॥ ୨॥

ନମୋ ନମସ୍ତେ ସକଲାର୍ତ୍ରିହର୍ତ୍ରେ
ନମୋ ନମସ୍ତେ ବିରୁଜଃ ପ୍ରକର୍ତ୍ରେ ।
ନମୋ ନମସ୍ତେଽଖିଲବିଶ୍ୱଧର୍ତ୍ରେ
ନମୋ ନମସ୍ତେଽଖିଲଲୋକଭର୍ତ୍ରେ ॥ ୩॥

ସୃଷ୍ଟଂ ଦେବ ଚରାଚରଂ ଜଗଦିଦଂ ବ୍ରହ୍ମସ୍ୱରୂପେଣ ତେ
ସର୍ୱଂ ତତ୍ପରିପାଲ୍ୟତେ ଜଗଦିଦଂ ବିଷ୍ଣୁସ୍ୱରୂପେଣ ତେ ।
ବିଶ୍ୱଂ ସଂହ୍ରିୟତେ ତଦେବ ନିଖିଲଂ ରୁଦ୍ରସ୍ୱରୂପେଣ ତେ
ସଂସିଚ୍ୟାମୃତଶୀକରୈର୍ହର ମହାରିଷ୍ଟଂ ଚିରଂ ଜୀବୟ ॥ ୪॥

ଯୋ ଧନ୍ୱନ୍ତରିସଂଜ୍ଞୟା ନିଗଦିତଃ କ୍ଷୀରାବ୍ଧିତୋ ନିଃସୃତୋ
ହସ୍ତାଭ୍ୟାଂ ଜନଜୀବନାୟ କଲଶଂ ପୀୟୂଷପୂର୍ଣଂ ଦଧତ୍ ।
ଆୟୁର୍ୱେଦମରୀରଚଜ୍ଜନରୁଜାଂ ନାଶାୟ ସ ତ୍ୱଂ ମୁଦା
ସଂସିଚ୍ୟାମୃତଶୀକରୈର୍ହର ମହାରିଷ୍ଟଂ ଚିରଂ ଜୀବୟ ॥ ୫॥

ସ୍ତ୍ରୀରୂପଂ ବରଭୂଷଣାମ୍ବରଧରଂ ତ୍ରୈଲୋକ୍ୟସଂମୋହନଂ
କୃତ୍ୱା ପାୟଯତି ସ୍ମ ଯଃ ସୁରଗଣାନ୍ପୀୟୂଷମତ୍ୟୁତ୍ତମମ୍ ।
ଚକ୍ରେ ଦୈତ୍ୟଗଣାନ୍ ସୁଧାବିରହିତାନ୍ ସଂମୋହ୍ୟ ସ ତ୍ୱଂ ମୁଦା
ସଂସିଚ୍ୟାମୃତଶୀକରୈର୍ହର ମହାରିଷ୍ଟଂ ଚିରଂ ଜୀବୟ ॥ ୬॥

ଚାକ୍ଷୁଷୋଦଧିସମ୍ପ୍ଲାବ ଭୂବେଦପ ଝଷାକୃତେ ।
ସିଞ୍ଚ ସିଞ୍ଚାମୃତକଣୈଃ ଚିରଂ ଜୀବୟ ଜୀବୟ ॥ ୭॥

ପୃଷ୍ଠମନ୍ଦରନିର୍ଘୂର୍ଣନିଦ୍ରାକ୍ଷ କମଠାକୃତେ ।
ସିଞ୍ଚ ସିଞ୍ଚାମୃତକଣୈଃ ଚିରଂ ଜୀବୟ ଜୀବୟ ॥ ୮॥

ଧରୋଦ୍ଧାର ହିରଣ୍ୟାକ୍ଷଘାତ କ୍ରୋଡାକୃତେ ପ୍ରଭୋ ।
ସିଞ୍ଚ ସିଞ୍ଚାମୃତକଣୈଃ ଚିରଂ ଜୀବୟ ଜୀବୟ ॥ ୯॥

ଭକ୍ତତ୍ରାସବିନାଶାତ୍ତଚଣ୍ଡତ୍ୱ ନୃହରେ ବିଭୋ ।
ସିଞ୍ଚ ସିଞ୍ଚାମୃତକଣୈଃ ଚିରଂ ଜୀବୟ ଜୀବୟ ॥ ୧୦॥

ଯାଞ୍ଚାଚ୍ଛଲବଲିତ୍ରାସମୁକ୍ତନିର୍ଜର ବାମନ ।
ସିଞ୍ଚ ସିଞ୍ଚାମୃତକଣୈଃ ଚିରଂ ଜୀବୟ ଜୀବୟ ॥ ୧୧ ॥
କ୍ଷତ୍ରିୟାରଣ୍ୟସଞ୍ଛେଦକୁଠାରକରରୈଣୁକ ।
ସିଞ୍ଚ ସିଞ୍ଚାମୃତକଣୈଃ ଚିରଂ ଜୀବୟ ଜୀବୟ ॥ ୧୨॥

ରକ୍ଷୋରାଜପ୍ରତାପାବ୍ଧିଶୋଷଣାଶୁଗ ରାଘବ ।
ସିଞ୍ଚ ସିଞ୍ଚାମୃତକଣୈଃ ଚିରଂ ଜୀବୟ ଜୀବୟ ॥ ୧୩॥

ଭୂଭରାସୁରସନ୍ଦୋହକାଲାଗ୍ନେ ରୁକ୍ମିଣୀପତେ ।
ସିଞ୍ଚ ସିଞ୍ଚାମୃତକଣୈଃ ଚିରଂ ଜୀବୟ ଜୀବୟ ॥ ୧୪॥

ବେଦମାର୍ଗରତାନର୍ହବିଭ୍ରାନ୍ତ୍ୟୈ ବୁଦ୍ଧରୂପଧୃକ୍ ।
ସିଞ୍ଚ ସିଞ୍ଚାମୃତକଣୈଃ ଚିରଂ ଜୀବୟ ଜୀବୟ ॥ ୧୫॥

କଲିବର୍ଣାଶ୍ରମାସ୍ପଷ୍ଟଧର୍ମର୍ଦ୍ଦ୍ୟୈ କଲ୍କିରୂପଭାକ୍ ।
ସିଞ୍ଚ ସିଞ୍ଚାମୃତକଣୈଃ ଚିରଂ ଜୀବୟ ଜୀବୟ ॥ ୧୬॥

ଅସାଧ୍ୟାଃ କଷ୍ଟସାଧ୍ୟା ଯେ ମହାରୋଗା ଭୟଙ୍କରାଃ ।
ଛିନ୍ଧି ତାନାଶୁ ଚକ୍ରେଣ ଚିରଂ ଜୀବୟ ଜୀବୟ ॥ ୧୭ ॥

ଅଲ୍ପମୃତ୍ୟୁଂ ଚାପମୃତ୍ୟୁଂ ମହୋତ୍ପାତାନୁପଦ୍ରବାନ୍ ।
ଭିନ୍ଧି ଭିନ୍ଧି ଗଦାଘାତୈଃ ଚିରଂ ଜୀବୟ ଜୀବୟ ॥ ୧୮ ॥

ଅହଂ ନ ଜାନେ କିମପି ତ୍ୱଦନ୍ୟତ୍
ସମାଶ୍ରୟେ ନାଥ ପଦାମ୍ବୁଜଂ ତେ ।
କୁରୁଷ୍ୱ ତଦ୍ୟନ୍ମନସୀପ୍ସିତଂ ତେ
ସୁକର୍ମଣା କେନ ସମକ୍ଷମୀୟାମ୍ ॥ ୧୯ ॥

ତ୍ୱମେବ ତାତୋ ଜନନୀ ତ୍ୱମେବ
ତ୍ୱମେବ ନାଥଶ୍ଚ ତ୍ୱମେବ ବନ୍ଧୁଃ ।
ବିଦ୍ୟାହିନାଗାରକୁଲଂ ତ୍ୱମେବ
ତ୍ୱମେବ ସର୍ୱଂ ମମ ଦେବଦେବ ॥ ୨୦॥

ନ ମେଽପରାଧଂ ପ୍ରବିଲୋକୟ ପ୍ରଭୋଽ-
ପରାଧସିନ୍ଧୋଶ୍ଚ ଦୟାନିଧିସ୍ତ୍ୱମ୍ ।
ତାତେନ ଦୁଷ୍ଟୋଽପି ସୁତଃ ସୁରକ୍ଷ୍ୟତେ
ଦୟାଲୁତା ତେଽବତୁ ସର୍ୱଦାଽସ୍ମାନ୍ ॥ ୨୧॥

ଅହହ ବିସ୍ମର ନାଥ ନ ମାଂ ସଦା
କରୁଣୟା ନିଜୟା ପରିପୂରିତଃ ।
ଭୁବି ଭବାନ୍ ଯଦି ମେ ନ ହି ରକ୍ଷକଃ
କଥମହୋ ମମ ଜୀବନମତ୍ର ବୈ ॥ ୨୨॥

ଦହ ଦହ କୃପୟା ତ୍ୱଂ ବ୍ୟାଧିଜାଲଂ ବିଶାଲଂ
ହର ହର କରବାଲଂ ଚାଲ୍ପମୃତ୍ୟୋଃ କରାଲମ୍ ।
ନିଜଜନପରିପାଲଂ ତ୍ୱାଂ ଭଜେ ଭାବୟାଲଂ
କୁରୁ କୁରୁ ବହୁକାଲଂ ଜୀବିତଂ ମେ ସଦାଽଲମ୍ ॥ ୨୩॥

କ୍ଲୀଂ ଶ୍ରୀଂ କ୍ଲୀଂ ଶ୍ରୀଂ ନମୋ ଭଗବତେ
ଜନାର୍ଦନାୟ ସକଲଦୁରିତାନି ନାଶୟ ନାଶୟ ।
କ୍ଷ୍ରୌଂ ଆରୋଗ୍ୟଂ କୁରୁ କୁରୁ । ହ୍ରୀଂ ଦୀର୍ଘମାୟୁର୍ଦେହି ସ୍ୱାହା ॥ ୨୪॥

॥ ଫଲଶ୍ରୁତିଃ॥

ଅସ୍ୟ ଧାରଣତୋ ଜାପାଦଲ୍ପମୃତ୍ୟୁଃ ପ୍ରଶାମ୍ୟତି ।
ଗର୍ଭରକ୍ଷାକରଂ ସ୍ତ୍ରୀଣାଂ ବାଲାନାଂ ଜୀବନଂ ପରମ୍ ॥ ୨୫॥

ସର୍ୱେ ରୋଗାଃ ପ୍ରଶାମ୍ୟନ୍ତି ସର୍ୱା ବାଧା ପ୍ରଶାମ୍ୟତି ।
କୁଦୃଷ୍ଟିଜଂ ଭୟଂ ନଶ୍ୟେତ୍ ତଥା ପ୍ରେତାଦିଜଂ ଭୟମ୍ ॥ ୨୬॥

॥ ଇତି ସୁଦର୍ଶନସଂହିତୋକ୍ତଂ ଅମୃତସଞ୍ଜୀବନ ଧନ୍ୱନ୍ତରି ସ୍ତୋତ୍ରମ୍ ॥

Similar Posts

Leave a Reply

Your email address will not be published. Required fields are marked *